Récapitulations faites par les moines de Saint-Aubin d'Angers de donations faites à l'abbaye et à son prieuré de la Flèche par Jean, seigneur de ce lieu, ratifiées par son fils Elie mais contestée un moment par son aîné Gausbert. Vente de la moitié d'un bordage par Firmatus Repulsus. Don d'une terre et abandon de la moitié des profits de la foire de saint Thomas par le comte du Mans Elie.

l.1 Cum nobis in utilibus rebus quantum possumus expediat oblivionem fugere, oportunum est quolibet scripto servare quod constat generationi venture profuturum esse. Scribimus itaque quod quidam vir nobilis et miles egregius cui nomen
l.2 est Johannes de Fissa, largitus est de honore suo aliquid Deo et sancto ALBINO, et ejus monachis, sine hesitatione presumens aliquod levamen peccatorum suorum pro tali opere se posse promereri. Non enim propterea a monachis
l.3 aurum vel argentum quȩsivit, sed simpliciter pro redemptione animȩ suȩ, et patris, et matris suȩ, et filiorum suorum, donavit, quicquid donavit. Sed jam nominanda sunt distinctȩ universa quȩ dedit, ut rem totam
l.4 sicut est cognoscant, qui cartulam istam lecturi sunt, vel audituri. In primis igitur dedit ecclesiam Sancti Audoeni sicut ipse habebat, et capellam suam quȩ in castello ejus sita est, et constructa in honorem sanctȩ Mariae semper virginis.
l.5 Dedit etiam unam mansuram optime telluris, id est quantum quatuor immensȩ fortitudinis boves arare possunt juxta morem agricolarum, et quoddam pratum ante ecclesiam Sancti Audoeni, cum aliis pratis longius positis. Preterea donavit
l.6 ortum suum, et virgultum suum, et designavit locum quo burgum facerent, et furnum proprium haberent. Burgenses vero qui ibi habitarent, decrevit esse in potestate monachorum, nulli homini qualemcumque consuetudinem red-
l.7-dituros nisi monachis, excepto quod castellum ejus custodient, quando super hostes suos perget. Donavit et decimam molendinorum suorum in annona, et in piscibus, et decimam panum de furno suo. His donis adjunxit et decimam
l.8 vinearum suarum, atque charrucarum. Omnibus his donationibus interfuit Helias filius ejus, et cuncta superius memorata, monachis libenter concessit. Erant autem cum eo Hugo frater Gaudini de Malicornant, et Girardus de
l.9 Cleiers, et Archembaldus filius Ulrici. De monachis, Girardus abbas, et Gaufridus bajulus ejus, et Hubertus prior, et Motbertus hostiarius et Fromundus de Viriaco. De hominibus monachorum, Aldulfus prepositus eorum, Haimarus
l.10 Malspetit, Rotbertus de Treviis,
l.8 Hilarius frater Aldulfi, Gualterius Bornus, Constantinus coqus, Ernaldus Brionius, Rainaldus Gundrannus. Hi omnes testes sunt donorum istorum. ACTUM APUD FISSAM, ANNO AB INCARNATIONE
l.11 DOMINI MILLESIMO OCTOGESIMO SEPTIMO, INDICTIONE PRIMA, CYCLO SECUNDO, REGNANTE PHILIPPO REGE FRANCORUM, TEMPORE FULCONIS COMITIS MINORIS, ANNO NONO DECIMO COMITATUS EJUS, SEDENTE GAUFRIDO PRESULE IN CATHEDRA EPISCOPALI ANNIS QUINQUE.
l.12 Non longo post temporum decurso volumine, idem supradictus Johannes de Fissa, apud Castrum Gunterii egritudinis dolore detentus, monachilem habitum, et benedictionem flebiliter appetendo, a monachis Sancti ALBINI Dei gratia concedente
l.13 suscipere meruit. Ubi item dedit Sancto Albino decimam pedagii castelli sui, et pasnagiorum suorum, et concessit si quilibet de casatis suis aliquam partem de casamento suo donare vellet monachis, aut vendere, et totum presbiteratum ecclesiȩ
l.14 de Lusdo, si presbiteri eis gratanter concedere voluerint, audientibus, Widdone, Herveo, Mainguiso, Ingelfrido monacho, Rotberto presbitero, Willelmo filio Widulfi, Adhelardo de Senoniis, Hugone Chotardo, Hugone de Tirnaio. Ipse eadem invalescente
l.15 egritudine, ibidem defunctus est. Monachi vero corpus ejus diligenter procuratum ad Sanctum Albinum attulerunt, et diligentius sepelierunt. Elias vero filius ejus qui et sepulturȩ interfuit, eodem die in capitulo ponendo baculum in manum
l.16 domni Girardi abbatis, quod pater prius, et quod posterius Sancto Albino donaverat, libenter donavit, et concessit, et receperunt beneficium Sancti Albini, ipse et frater ejus Gaufridus. Hujus rei sunt testes isti, Symon
l.14 de Ceton, Girardus de Cleiers,
l.17 Paganus de Eschimiriaco, Mauricius Descharbot, Joscelinus de Verreria, Herchembaldus Baldinus, Hugo de Tirnaio. De famulis monachorum, Aldulfus, Warinus frater ejus, Haimarus Malspetit.
l.18 Eodem tempore quo ista facta fuerant, Gausbertus, filius Johannis de Fissa major natu, Cȩnomannis morabatur. Qui adversum monachos vehementer iratus, calumniabatur quicquid pater ejus monachis dederat, et frater concesserat. Et cum
l.19 in hac calumpnia diu permaneret, et nichil proficui se habere in ea cerneret, tandem venit ei in mentem, et inimicitias adversum monachos deponere, et a calumpnia cessare. Igitur abbas Girardus misit ad eum tres de monachis
l.20 suis, Motbertum scilicet, et Herbertum Belsarium, et Gurhannum. Qui cum ad urbem Cȩnomannensem venissent, adierunt venerabilem presulem Hoellum. Preceperat enim eis abbas, ut ejus consilio et auxilio facerent quȩcumque
l.21 facienda essent. Per manum itaque episcopi talem concordiam fecerunt. Accepit Gausbertus a monachis decem libras denariorum Andecavensium, et gratanter concessit monachis quicquid pater ejus, sive vivens, sive moriens,
l.22 eis donaverat, et frater ejus concesserat, sicut in presenti pelle continetur. Accepit etiam de manu episcopi societatem monasterii Sancti Albini, et beneficium loci, qui prece et jussu abbatis, societate et beneficio eum investivit.
l.23 Hoc viderunt et audierunt testes subscripti, domnus Hoellus episcopus, Fulchradus cantor, Gaufridus archidiaconus, Gandelbertus canonicus, Rotbertus de Fraterniaco, Gausbertus canonicus, Radulfus canonicus, Gradulfus canonicus,
l.24 Viventius filius Beringerii, Haimericus Ridellus famulus monachorum, Hamelinus filius Burchardi armiger Gausberti. DE FIRMATO REPULSO.
l.25 Firmatus Repulsus dedit et vendidit monachis Sancti Albini ad Feciam unum bordagium terrȩ, medietatem prius pro anima sua dans, medietatem residuam ipsis postea decem solidis vendens. Et ut hoc firmum esset, dedit
l.26 Gurhannus monachus Archembaldo Baldino ejus seniori, de quo hoc tenebat, unum sextarium avenȩ, et unam ocham. Hujus rei testes sunt, Gurhannus et Salomon monachi, Tetbaldus presbiter, Archenbaldus Baldinus, Supplet de Duris-
l.27-tallo.
l.28 Helias comes Cenomannensis quadam vice Fissam adveniens, donum quod pater ejus monachis Sancti Albini dederat et ipse concesserat, adcrevit iterum de quadam parte terre suȩ quȩ est a terra monachorum usque ad do-
l.29-mum leprosorum videntibus et audientibus istis. De monachis, Girardo priore, Gaufrido de Bruslone, Drogone, Warino, Widdone monacho Sancti Sergii. De laicis, Archembaldo filio Urrici, Girardo de Cleers, Alberico Corba Spalla.
l.30 De famulis monachorum, Rotberto de Treviis, Giraldo Irco, Gandelberto.