Charles III le Simple, roi des Francs, à la requête de Richard, comte et marquis, restitue à l'abbaye de Saint-Martin d'Autun les biens qui lui avaient été injustement enlevés en Nivernais, à Vieille-Vigne, avec la cella de Saint-Denis, la chapelle de Saint-Martin, où repose le corps de saint Sauve, et six manses, toutes choses que tenait le prêtre Thibaud à titre bénéficiaire et dont il consent à se dessaisir.

l.1 [chrisme] IN NOMINE SANCTAE ET INDIVIDUAE TRINITATIS. KAROLUS DIVINA PROPITIANTE CLEMENTIA REX. SI LOCIS SACRIS ET DIVINIS CULTIBUS MANCIPATIS OPEM FERENDO ET ALIENATA RESTITUENDO
l.2 consulimus, et ad praesentis vitae cursum salubrius transeundum et ad futurae emolumentum felicius obtinendum nobis omnipotentem Deum propitium afore non difidimus. Quapropter omnium sanctae Dei ecclesiae
l.3 et nostrorum fidelium unanimis comperiat generalitas quoniam adiens nostrae serenitatis celsitudinem Richardus, comes et illustris marchio, humiliter precatus est ut res quasdam sancti Martini Eduensis coenobii
l.4 dudum ab eodem loco quadam depravatione subtractas regia auctoritate restitueremus. Cujus petitionibus annuentes, praefatas res sitas in pago Nevernensi, in villa vocata Vetula Vinea, cum cella Sancti Dionisii
l.5 et cappella Sancti Martini, in qua corpus sancti Salvii requiescit, atque cum mansis ad se pertinentibus sex, per hoc nostrae auctoritatis prae[c]e[p]tum praescripto coenobio Sancti Martini et abbati ipsius reddimus, resti-
l.6-tuimus et deinceps habendas confirmamus, eo quidem tenore ut easdem res cum omnibus ad se juste et leg[a]liter per[tinen]tibus, quȩsitis et inquir[endi]s, sicut eas Teutboldus sacerdos jure benefitiario tenuit et huic redditioni
l.7 assensum prebuit, ita abhinc tam praesens quam futuri ipsius loci abbates et eorum ministri sicut reliquas ejusdem ecclesie res inviolabiliter teneant atque possideant nullo in futuro inquietante. Ut ergo hoc nostrae aucto-
l.8-ritatis ac restitutionis prȩceptum tutiorem in Dei nomine obtineat firmitatis rigorem, manu nostra firmantes anuli nostri imp[r]essione subter jussimus assignari.
l.9 SIGNUM KAROLI [monogramme] REGIS GLORIOSISSIMI.
l.10 ERNUST[U]S NOTARIUS AD VICEM ASKERICI EPISCOPI [SUB]NOTAVIT ET SUBSCRIPSIT [ruche]. [sceau]. /Datum VI idus agusti, indictione XI, anno XVI regnante Karolo rege gloriosissimo, redintegrante XI. Actum villa Vuorma. In Dei nomine, feliciter. AMHN.

LAUER PH, Recueil des actes de Charles III le Simple, roi de France (893-923) (Chartes et Diplômes relatifs à l'Histoire de France), I, Paris, 1940, p. 126-128, n° 59.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 24 (fac-similé).