Louis VI, roi de France, confirme, pour le repos de l'âme de ses parents et de ses prédécesseurs, à la requête de Goël d'Ivry, la donation que celui-ci a faite, pour son salut et celui de sa mère Hildeburge, à Saint-Martin de Pontoise de tous ses biens situés dans la vallée de Jouy-le-Moutier.

l.1 In Christi nomine, ego Ludovicus, Dei dispensante misericordia in regem
l.2 Francorum sublimatus. Notum fieri volo tam futuris quam et instantibus
l.3 quoniam nostram adiit presentiam Goellus de Ivriaco, rogans ac obnixe depre-
l.4-cans quatinus, pro animarum patris mei et matris meȩ predecessorumque nostrorum
l.5 remedio, terram, quam in valle Gaudiaci jure hereditario possidebat cum insulis,
l.6 vineis et nemore et hospitibus, insuper quicquid ibi habebat, quam scilicet ȩcclesiȩ
l.7 Beati Martini Pontisariensis pro sui et matris suȩ anima dederat, eidem
l.8 ȩcclesiȩ, quantum ad nostram regiam majestatem pertinebat, in perpetuum concede-
l.9remus. Quod ita et fecimus. Verum ut hoc ratum et firmum permaneat in sempi-
l.10-ternum, presentem kartam nostri auctoritate sigilli firmatam et corroboratam
l.11 fieri disposuimus, quȩ et istam elemosinam supradictȩ ȩcclesiȩ datam diligenter
l.12 exponat et in munimentum stabilitatis perpetuo existat.
l.13 Actum Parisius, anno incarnati Verbi MoCoXVIo, regni nostri VIIIo,
l.14 Adelaidis reginȩ primo.
l.15 Astantibus in palatio nostro quorum nomina subtitulata sunt et signa.
l.16 Signum Anselli, dapiferi. Signum Gisleberti, buticularii. Signum Hugonis, constabularii.
l.17 Signum Guidonis, camerarii [monogramme]
l.18 Data per manum Stephani cancellarii [sceau].

DEPOIN (Joseph), Cartulaire de l'abbaye de Saint-Martin de Pontoise, Pontoise, 1895-1909, p. 56, n° 58.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 237-239, n° 116.