Notice de la renonciation par Thibaud Frescengerius et Aia son épouse, du temps du prieur Nicolas et du prévôt Païen, à la dîme de leur terre d'Hulsum et d'une demie bordée de terre aux Crances, jadis donnée au prieuré de Saint-Pierre de Chemillé par Rainaldis, femme de Gorin. Fait en présence de Pierre de Chemillé et Geoffroi le Gras de Cholet.

l.1 Noverint posteri nostri habitatores scilicet hujus loci Sancti Petri
l.2 cellȩ Camilliacensis, quod Tedbaldus Frescengerius et uxor ejus Aia
l.3 nomine calumniabantur donum Raineldis uxoris Gorini, hoc est totam
l.4 suam decimam totius terrȩ eorum sitȩ apud Hulsum, tam de labore boum
l.5 quam minutam, et unius dimidiȩ bordariȩ terrȩ apud Creentias sitȩ. Sed
l.6 ad hanc concordiam res deducta est. Dedimus enim eis XXti solidos et filio eorum
l.7 Sigebrando unum blialdum, eosque in tantum sinum fraternitatis nostrȩ et infantes eorum
l.8 suscepimus, quatenus eis defunctis obsequium exequiarum ita honorifice a nobis
l.9 exhibeatur, ac si C solidos contulissent loco nostro, singulorumque nomina postquam
l.10 defuncti fuerint in martirilogio scribantur. Itaque venientes in capitulum nostrum ipsi et
l.11 IIo infantes eorum, totam calumniam predictam prorsus dimiserunt, et inde exeuntes statim
l.12 super altare beati Petri sponte sua tam parentes quam filii, manu sua donum jam
l.13 prȩfatȩ decimȩ ex parte sua cum baculo quodam fecerunt et posuerunt. Hanc
l.14 guerpitionem calumniȩ eorum in capitulo, et positionem praedicti doni super altare, ab
l.15 eis fieri viderunt vel audierunt hi, quorum nomina subtus scripta sunt. De monachis,
l.16 Nicolaus prior, Airandus monachus, Hildemannus monachus, Guarinus sacrista, Rotbertus cellararius, Clemens, et alii. De laicis,
l.17 Gaufredus decanus, Gaufredus Brito capellanus monacorum, Paganus clericus filius Effredi, Gaufredus Chopio, Ermenardus Guitonus,
l.18 Haimericus Gonella, Hugo Belot, Gaufredus Alguinus, Guillelmus Nocillarius, Odo Crassus, Ogerius, Tetbaldus Frescengerius, Aia uxor sua,
l.19 Sigebrannus filius ejus, Haimericus frater ejus, Odo de Sancto Petro, Paganus praepositus, Rainaldus mulnerius, Gualterius Pegerius, Martinus filius Mirse,
l.20 Rainaldus Bufardus, Evardus, Gaufredus filius Mirse, Garnerius Farsitus, Garnerius Burmaldus, Moraldus, Rotbertus quoqus monacorum.
l.21 Hanc autem concessionem fecerat prius praedictus Tedbaldus juxta ecclesiam sanctȩ MARIAE apud castrum
l.22 Camilliacum, audientibus Petro domino Camilliaci, et Gaufredo Crasso de Cauleto, et Rodberto
l.23 Borrello, Aimerico de Perulio, Guillelmo Nozillario, Nicholao quoque priore, Pagano praepo-
l.24-sito monachorum, et aliis multis.

1