Donation à Saint-Pierre de Chemillé, sous le règne d'Henri I^er, par le chevalier Renaud de toutes les dîmes provenant d'une mesure de terre pour en jouir immédiatement et la terre après sa mort, pour le service des moines qui y ont été récemment établis.

l.1 Quicumque christiana professione et fide censemur, tanto
l.2 mundanis et corporeis omnibus rebus animarum sollicitudinem prepo-
l.3-nere deberemus, quanto constat corporea quȩque caduca esse et cito transire,
l.4 animas vero sive in dampnationem suam sive in gloriam aeternas permanere.
l.5 Unde ut nos in cautelam excitet, salubri interrogatione divinum verbum in insi-
l.6-pientiam nostram invehitur dicens: Quid prodest homini si totum mundum lucretur,
l.7 animȩ vero suae detrimentum patiatur ? Idcirco in Dei nomine ego Rainaldus milita-
l.8-ris vitȩ periculosis laboribus implicatus, recogitans meorum immensitatem pec-
l.9-catorum, sed et neque die neque hora vitȩ meȩ aut salutis certus, atque in solam
l.10 spem promissionis illius respirans qua admonetur: Date elemosinam et omnia
l.11 munda fient vobis, de rebus juris mei aliquid sanctȩ ecclesiȩ in sustentationem ser-
l.12-vorum Dei concedere meditor, ut eorum orationibus peccatorum mihi sarcina levi-
l.13-getur et Domini propiciatio adquiratur.
l.14 Dono igitur Deo et beato Petro ad illud monasteriolum quod est apud Chamiliacum
l.15 et in usus monachorum qui ibidem recenter his diebus attitulati sunt abhinc in
l.16 perpetuum addico omnes decimas quȩ provenient de una mansura terrȩ meȩ quam
l.17 scilicet villanus colit. Ita ut quandiu ego vixero, idem fratris cȩnobii
l.18 Sancti Petri Chamiliacensis de eadem mansura decimas teneant et possideant.
l.19 Cum autem mors mihi contigerit, totam ipsam mansuram integre habeant nemine
l.20 contradicente nemine calumpniante solidam et quietam. Ut autem donatio hȩc
l.21 in posterum memorius credatur, et firmius conservetur, scriptum hoc inde
l.22 fieri rogavi, quod ego manu mea roboravi, et omnes seniores quorum bene-
l.23-ficio eadem res usque ad me descendit confirmare feci.
l.24 Signum Rainaldi militis [croix] qui hanc donationem fecit. [colonne1] S. Rotgerii de Monte Rebelli. S. Eudonis. S. Widonis. [colonne2] S. Petri de Chamiliaco. S. S. [colonne3] Rainaldus indignus levita rogatus scripsit et [subscripsit].
l.25 Datum XII KALENDAS OCTOBRIS, regnante Heinrico rege, in Dei nomine feliciter amen.

1