Lille, AD Nord, 1 H 35 n° 388

<< < / > >>

Numéro461

Fiabilité de l'actenon suspecté

Genrecharte

Date22/05/1111(fiabilité :étude diplomatique)

Lieunon identifié

DiocèseArras

RégionNord/Pas-de-Calais

Supportparchemin

Chirographienon

Sceau sceau pendant

Etat de la traditionoriginal

Hauteur à gauche620   mm

Hauteur à droite614   mm

Largeur en haut368   mm

Largeur en bas373   mm

AuteurEudes, évêque  de  CAMBRAI

BénéficiaireAbbaye d'ANCHIN

Regeste

Eudes, évêque de Cambrai, confirme à l'abbaye d'Anchin les donations effectuées par ses prédécesseurs.

Texte

l.1 IN NOMINE SANCTE ET INDIVIDUȨ TRINITATIS. Odo Dei gratia Cameracensis episcopus, universis catholicae ȩcclesiae filiis, et in presenti
l.2 vita bonis operibus abundare, et in futura fructum justitiae a Domino percipere. Quoniam dignum videtur, justis petitionibus
l.3 facilem prebere assensum, idcirco tibi Rotberte Dei gratia abba Aquicinensis, tuȩ voluntatis non negamus effectum. Vides quod abun-
l.4-dante iniquitate refrigescit caritas multorum, vides quod pacem quam Christus ad patrem rediens, ȩcclesiȩ suȩ reliquit, perturbare
l.5 nititur dolositas iniquorum. Vis itaque ut altaria seu beneficia quae predecessores mei Cameracenses episcopi, domnus videlicet
l.6 Gerardus atque Manasses ȩcclesiȩ vestrȩ contulerunt, nostro privilegio confirmemus, et ut eadem aecclesia de bonis sibi traditis
l.7 nullum in posterum jacturam sustineat, quantum in nobis est, providere studeamus. Nos igitur quibus voluntas est, pro
l.8 sanctȩ aecclesiae statu, sollicito vigilare affectu, per presentis privilegii paginam, vobis vestrisque successoribus, altaria
l.9 seu beneficia in perpetuum possidenda firmamus, quȩ tam a me quam a prȩdecessoribus meis seu ab aliis fidelibus
l.10 aecclesiȩ Aquicinensi ad usus fratrum scimus esse collata, altare videlicet de Salci, altare de Inci, altare de Vuluth,
l.11 altare de Barala, altare de Busci, altare de Gisbech, altare de Cawenicurte, altare de Vendelgies super Escalon flu-
l.12-violum. Et hȩc omnia soluta a persona, et ab omni exactione vel oppressione libera, preter annua obsonia concessimus.
l.13 De altari vero de Inci, hoc addendum, quod pro antiquis obsoniis vel redditibus, prȩfata aecclesia nobis nostrisque
l.14 successoribus non amplius quam duos solidos singulis annis persolvat. Confirmamus etiam eidem prȩfatae
l.15 aecclesiȩ ȩcclesiam de Aimeriis cum altari de Alneto, et omnibus quȩ ad eam pertinent, in cellam perpetuo possidendam
l.16 ipsamque ab omni exactione et redditu liberam, exceptis duobus solidis, qui michi meisque successoribus, singulis
l.17 annis sunt persolvendi. Donationes quoque Hugonis castellani et heredum ejus eidem Aquicinensi aecclesiae
l.18 confirmamus, decimam scilicet de Ozi et carrucatam terrae in eodem loco, decimam quoque de Cauuenicurt, terramque
l.19 apud Salci quȩ fuit Godefridi de Bellomanso, et terram Lanscelini, et terram Mainbodi in eadem villa, et dimidium
l.20 theloneum Duaci, et terram quȩ dicitur ad Lupipassum. Si quis igitur hujus sciens nostrae constitutionis pagi-
l.21-nam, contra eam injuste venire presumpserit, anathemati subjaceat, et donec resipiscat, a corpore sanctae matris
l.22 aecclesiae alienus fiat. Cunctis vero quȩ in ea scripta sunt fideliter servantibus sit pax Domini nostri Jhesu Christi,
l.23 quatinus et hic fructum bonȩ operationis percipiant, et apud districtum judicem prȩmia ȩternȩ vitae inveni-
l.24-ant. Ut autem haec rata et inconvulsa permaneant, sigilli nostri impressione signavimus, et venerabilium
l.25 personarum testimonio corroboravimus. Signum mei ipsius id est Odonis episcopi. Signum Johannis archidiaconi.
l.26 Signum Anselli archidiaconi. Signum Erleboldi prepositi. Signum Heriberti decani sancti Gaugerici. Signum Adam abbatis sancti Autberti.
l.27 Signum Rotgeri abbatis de Abeciis.
l.28 Signum Ursionis. Signum Ricuardi. Signum Stephani. Signum Raimundi. Signum Hugonis. Signum Heroardi. Signum Mazelini. Signum Gerardi. Signum Widonis.
l.29 Signum Walcheri canonicorum sancti Gaugerici.
l.30 Actum est hoc indictione quarta, incarnationis dominicȩ anno millesimo centesimo undecimo, pontificatus autem
l.31 domni Odonis sexto, regnante eo cujus anni nec inchoant nec desinunt in secula seculorum.
l.32 [sceau].

Bibliographie

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 200-201.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 39, n° 32.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 121-123, n° 26.

Responsable

M. Courtois

Comment citer cette notice

Acte n°461 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°461»[En ligne] http://www.cn-telma.fr/originaux/charte461/. Date de mise à jour : 29/03/12.