Artmanus, le vicomte Adhémar et Pons, ses frères, donnent à Saint Pierre de Moissac et à l'abbé Hunaud l'église de Saint-Sernin de Siurag en Quercy, qu'ils ont reçue en héritage, et des terres pour construire une grande ville.

l.1 Quoniam antiquitus lege constitum est ab auctore omnium, Deo, ut reddat oblationem ac decimationem quisque de suis quȩ possidet, omnibus et a multis quidem fidelibus in Deo
l.2 spem abentibus ac curam criminum suorum parentumque sibi affinium gerentibus, pro commissis in hoc seculo quoquomodo sceleribus usu, traditum est dari Deo quod eis videtur placitum de suis.
l.3 Hujus igitur rei causa corde tactus, ego, Artamannus, et frater meus, vicecomes. Ademarus, necnon et Poncius donamus omnipotenti Deo et sanctis ejus apostolis, Petro et Paulo, monasterio Moysiaco
l.4 omnibusque ibidem in perpetuum Deo servientibus aecclesiam sancti Saturnini sitam in pago Caturcino, in loco vulgo Siurag denominato, quȩ nobis evenit jure hereditario successione parentum
l.5 nostrorum. Damus quoque ejusdem aecclesiȩ cimiterium ab integro totum, simul cum baptisterio necnon et fevum presbiterale et tantum ex decimo quantum pertinet ad sacristaniam illam et in circuitu
l.6 eclesiȩ illius tantum terrȩ, foris cimiterium, quantum sufficiat ad construendam villam amplam in longitudine et latitudine, sicuti monstratum est a nobis determinatis finibus coram plurimis testibus. Donamus etiam
l.7 in bosco nostro juxtaposito, qui dicitur Fornales, tantum quantum ad usum monachorum omniumque hominum ibi degentium in calefactione et in domorum suarum edificatione seu totius ville constructione
l.8 sufficere possit; in Avarione fluvio juxta decurrenti, in quantum nostra possibilitas obtinet, potestatem omnibus abbatibus et monachis presentibus et futuris, in prefato monasterio degentibus,
l.9 quotienscumque voluerint, liberam tribuimus facultatem piscandi; damus autem in eodem nostro predio Seurazensi eidem sancto Petro prefato monasterio unum mansum in alodio.
l.10 Sciant itaque omnes, in quorum manibus hȩc nostrae cessionis inscriptio devenerit, quod cum hac nostri alodii donatione relinquimus coram testibus illum modium vini quem semel omni
l.11 anno injuste aufferebamus ex alodio illo, quod dicitur Majuse, promittentes Deo et sancto Petro numquam deincebs per nos nec per ullam nobis suffectam personam illum modium vini requisituros neque in hac nostra
l.12 cessione, in aecclesia scilicet sive in villa Siurag, infra terminos salvationis constitutos, quicquam per vim accepturos nec in mercato, quem similiter sancto Petro damus, aliquid quacumque occasione
l.13 rapturos nec ullas personas ibi advenientes sive manentes ullo modo, in exitu vel ingressu, absque audientia abbatis seu proclamatione fratris ejus loco ibi manentis, pro qualicumque
l.14 culpa distringere sed fideliter omni tuitione servare et custodire omnia quȩ nunc ad jus aecclesiȩ illius videntur pertinere vel in futuro, Deo volente, et bonis viris largientibus, poterit
l.15 acquirere. Si quis autem, quod absit, quacumque occasione diaboli hanc nostrȩ cessionis elemosinam, quam pro redemptione animarum nostrarum et pro salute animarum patris nostri simul et matris et
l.16 omnium parentum nostrorum, vivorum ac defunctorum, facimus, disrumpere atemtaverit, qui eundem locum Moysiacum, cui hanc donationem facimus, a societate Cluniacensi divellere quocumque
l.17 ingenio voluerit, postquam se ultione perhenni damnatum noverit. Hȩc nostra donatio firma et stabilis Cluniensi loco et abbati et fratribus ejusdem loci auctoritate nostra
l.18 et firma stipulatione permaneat.
l.19 Facta autem hujus cessionis carta anno incarnationis Domini Mo LXXmo IIIIto, regnante Philipo Francorum rege, in manibus domni Unaldi abbatis, in presentia multorum testium monachorum
l.20 sive laicorum. Signum Ademari vicecomitis. Signum Artmanni fratris ejus. Signum Poncii postea effecti monachi. Signum Raimundi Ademari, fratris eorum, qui hanc donationem firmavit et ita
l.21 tenendam esse promisit. Signum Wilelmi, filii ejus, et aliorum plurimorum.