Gauzbert, abbé séculier de Moissac, abandonne après sa mort la defensio du monastère de Moissac qu'il avait acheté 30000 sous à Guillaume III de Toulouse, à Pons, comte de Toulouse et à son fils Guillaume.

l.1 SATIS omnibus, ut opinor, notum est qualiter ego Gauzbertus, abba nominatus, olim a Wilelmo, comite Tolosano, emptione magni precii, XXX millia scilicet
l.2 solidorum, abbatiam Moysiacensis cȩnobii comparaverim. Nunc vero et deincebs omnes posteros meos at quoscumque quorum in manibus haec guirpicionis meȩ adno-
l.3-tacio venerit, scire volo quod ego postea seniori meo Poncio et filio ejus, Wilelmo, totam prȩdictam abbatiam dederim post finem meum; hac de causa pro amore
l.4 videlicet Dei et pro salute animȩ meae seu pro stabilitate ac restauracione ejusdem abbatiȩ, ut non deincebs post discessum meum, ipse meus senior Poncius neque filius ejus,
l.5 Wilelmus, nec ullus successorum eorum comitum licentiam habeat aut vendere aut dare aut comendare prefatam abbatiam sancti Petri Moysiacensis coenobii cuiquam
l.6 laicorum vel clericorum nec etiam ulli meorum parentum, ita ad possidendum, ut actenus ego et predecessores mei male et seculariter visi sumus possidere, sed perpetuo
l.7 Wilelmus filius Poncii et filii ejus post eum et omnis posteritas genealogiȩ ejus tenendo possideant et juste ac viriliter regant et abbati regulari, a fratribus ejusdem
l.8 congregationis voluntate et consensu abbatis et tocius congregationis Cluniensis monasterii regulariter electo, regendam tradant. Sed etsi de Wilelmo Poncii
l.9 filio legales non apparuerint filii, fratribus suis Raimundo et Hugoni filiis Poncii similiter per conventionem supra scriptam ipsis et filiis eorum qui legales ex eis prodierint
l.10 habituram trado. Quod etsi casu evenerit ut omnium istorum comitum palatinorum abolendo progenies evanescat, illi tamen qui sorte post eos arcem ac regimen Tolosani
l.11 comitatus acceperit et qui secundum Deum et secundum seculi dignitatem sepedictam abbatiam possidere voluerit, similiter habendam cedo salva in omnibus fide abbatiam futurorum
l.12 Cluniensium. Hoc autem, ut in omnibus prȩsentibus scilicet ac futuris pateat, volo quod prȩdicti mei seniores ac palatini comites, Poncius, et ejus filius, Wilelmus, ante hanc meȩ dona-
l.13-tionis guirpicionem michi dextras et propriorum insuper corporum fidem dederint numquam se daturos cuiquam hominum viventium sancti Petri Moysiacensis monasterii abbatiam,
l.14 nisi abbati regulari regulariter, ut dictum est, a fratribus ejusdem cȩnobii jussu et voluntate et abbatis et congregationis Cluniacensis electo. Et ut haec meae dimissionis annotacio semper
l.15 firma stabilisque permaneat, in manibus predictorum meorum seniorum, comitum Poncii et ejus filii, Wilelmi, coram nobilibus testibus, propriis meis manibus, subnixa stipulatio-
l.16-ne, firmavi. Hujus autem rei testium vocabula subter habentur inserta: ego Gauzbertus, abba nominatus, rem dictam reddidi stabilitate firma. Gauzbertus de Laura-
l.17-gensi castro firmavit. Bernardus Petri de eodem castro firmavit. Bernardus Ramonis de Wandalorum castro firmavit. Raimundus Hemelii firmavit.
l.18 FACTA DONATIO HȨC IN MANU WILELMI COMITIS TOLOSANI. ANNO AB INCANATIONE DOMINI MLXIII REGNANTE REGE
l.19 PHILIPPO DATA V IDUS JUNII, FERIA II POST PENTECOSTEM LUNA VIII.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, n° 3392.

DEVIC (Cl.), VAISSETE (J.), Histoire générale de Languedoc, 15 vol., Toulouse, 1872-1892, t. 5, n° 265.