Odalric, sa femme et ses fils Bernard, Ysarn, Hugues et Guillaume, ainsi que Deusdedit Cabocud, Deusdedit de Borniaco, clerc, et ses fils donnent en aumône à Saint-Pierre de Moissac et à Cluny tout le fief presbitéral de l'église de Saint-Fructueux. Deusdedit Cabocud donne le droit de sépulture qu'il possède. Bégon Adalbert donne avec ses fils la moitié du fief presbitéral susdit. Raimond Deusdedit donne sa part dudit fief et la moitié du droit de sépulture. Bégon de Montirat et son frère Bernard donnent leurs droits sur ce même lieu (servicium et receptum). Bégon Étienne donne aussi ce qu'il possède dans ledit honneur.

l.1 AETERNI judicii timore compunctus et amore ȩternȩ vitȩ roboratus, ego in Dei nomine dictus ODALRICUS et uxor mea necnon filii mei,
l.2 BERNARDUS videlicet Ysarni et UGO atque Willelmus, similiterque Deusdet, cognomine Cabocud, clericus ȩtiam vocabulo Deusdet de Borniaco
l.3 et filii sui omnes, uno animo unaque voluntate, cedimus domino Deo et sanctis apostolis, PETRO et Paulo, ac sanctis locis ipsius, Moysyaco scilicet
l.4 atque Cluniacho, totum fȩvum presbiterale quod habemus in ecclesia sancti Fructuosi, ab integro quantum nos sive per nos hactenus
l.5 possedit vel possidere visus est aliquis, in ȩlemosina, pro animabus nostris omniumque parentum nostrorum, jure perpetuo possidendum. Sepulturam vero quam ego
l.6 Deusdet, cognomine Cabocud, in dominio meo tenui, simul cum dono quod jam suprascriptum est, dono imperpetuum.
l.7 Bego etiam Adalbertus et filii ejus, quorum medietas fevi ipsius erat, ȩcclesie scilicet sancti Fructuosi quantum habere
l.8 potuit in ȩlemosina DEO obtulit. Raimundus vero Deusdet, cum omni auctoritate, sine aliqua tortura,
l.9 quicquid in hoc honore justum habere potuit, in fevo scilicet memorato concessit atque confirmavit;
l.10 sepulture ȩtiam medietatem, quam inibi videbatur habere, totam tribuit. Partitores autem Bego de Monte-
l.11-irato et Bernardus, frater ejus, totum servitium et receptum, quod ibi habebant, dimittunt sancto PETRO.
l.12 Simili modo ȩtiam fecit Bego Stephanus donans quod habere potuit in ipso honore
l.13 et, ut hec nostra donatio firma permaneat, signamus et presentes suscribere facimus: Signum Odolrici et filiorum ejus.
l.14 Sig[croix] Deusdet et alterius Deusdet, Begonis pariter atque Raimundi necnon aliorum quorum hic nomina scripta habentur
l.15 ea fide et spe ut ipsi in suis benefactis et orationibus nobis nostrisque partem societatem tribuant.
l.16 Facta carta nonas novembris, die sabbati, anno incarnationis Domini MLXXIII, regnante Philippo rege,
l.17 in manu Guidberti monachi et reliquorum fratrum.

CABIÉ (Edmond), Chartes du prieuré de Ségur du XIe au XIIIe siècle, in Revue historique, scientifique et littéraire du département du Tarn, 1889 (tiré-à-part), p. 20-21, n° B.

LEFEBVRE-BECQ (Marie-Christine), Les plus anciennes chartes du monastère de Moissac. Edition critique, thèse de l'Ecole des Chartes, 1974, p. 273-275, n° 83.