Brice, évêque de Nantes, confirme à l'abbaye de Marmoutier l'ensemble de ses biens situés dans le diocèse de Nantes.

l.1 IN nomine Dei et salvatoris nostri Jhesu Christi, Briccius Dei gratia Nannetensis episcopus. Si peticionibus servorum Dei pro quibuslibet utilitatibus aecclesiasticis aures nostras pulsantium benignum
l.2 prebemus assensum, id nobis utile, et ad presentem vitam felicius transigendam, et ad aeternam facilius obtinendam fore credimus. Quapropter notum fieri volumus omnibus sanctȩ Dei aecclesiae
l.3 fidelibus et nostris tam presentibus quam futuris, quia adierunt me fratres et amici mei et in Christi caritate mihi karissimi, scilicet abbas nomine Willelmus, et congregatio Majoris
l.4 monasterii Sancti Martini supplicantes, ut eis cartam super quibusdam confirmaremus, in episcopatu nostro consistentibus, partim tempore nostro, partim temporibus antecessorum nostrorum adquisitis,
l.5 Airardi videlicet et Quiriaci. Concedimus igitur eis, et ad habendum in perpetuum confirmamus, salvo jure sanctȩ matris Nannetensis aecclesiae, quicquic habent in Beriaco, et in Sion,
l.6 et in Pontecastello, et in Dangiaco, et Prevenquer, et in Pontello quod dicitur Peregrinum, et Machecol, et in Sancto Medardo de Dolon, et in capella Bassameri, et in Foresta,
l.7 et in Enort, et Varesda. Haec vero concedentes per sanctam et individuam Trinitatem interdicimus, ut nullus successorum nostrorum, vel quȩlibet alia persona aliquid de supradictis
l.8 rebus prefato Majori monasterio demat. Ut autem haec nostra concessio vel confirmatio ab omnibus sanctȩ Dei aecclesiae fidelibus et certius credatur, et diligentius conservetur,
l.9 manu propria subter eam firmavimus, manibusque canonicorum nostrorum corroborandam tradidimus, et sigilli nostri impressione insigniri jussimus. Et quia ambiguitas de
l.10 censu Beriaci et Pontelli inter Nannetensem aecclesiam, et monachos Majoris monasterii fuerat, concordatum est, ut singulis annis in festivitate beatorum
l.11 apostolorum Petri et Pauli III kl. julii reddantur duo denarii boni auri et purissimi appendentes pondus duorum denariorum Cenomannensium pro Beriaco, et Sion,
l.12 unus pro Pontello.
l.13 Actum in Nannetensi aecclesia, sub Briccio presule, anno a passione Domini MC XV, II kl. aprilis, luna secunda, imperante Francis Ludovico rege, regnantibus Alano
l.14 et Conano ejus filio in Britannia. Hujus confirmationis adfuerunt testes ex parte episcopi, Johannes decanus, Manefinitus decanus, Willelmus decanus, Petrus cantor, Rainaldus
l.15 canonicus, Marcus thesaurarius, Bodinus canonicus, Rivallonus canonicus. Et ex parte monachorum, Willelmus tunc temporis prior, Jugomarus armarius, Hamelinus de Beriaco monachus, Julduinus monachus,
l.16 Laurentius Marcellus monachus, Rehalarius monachus, Daniel de Peregrino monachus. Bartholomeus clericus, ejusdem cartis scriptor.

1