Les abbayes de Redon et de Marmoutier concluent un accord au sujet de l'église Saint-Sauveur de Béré, en présence de Gérard, évêque d'Angoulême. Le prieuré de Béré est restitué à Marmoutier, en échange de l'île d'Her, dépendance du prieuré de Donge.

l.1 Quoniam apostolica sententia instruimur servos Dei non oportere litigare qui unanimes in domo Dei habitare cupientes ad caeleste gaudium eodem tramite student procedere, sanctȩ
l.2 caritati in quantum possumus adherentes, discordia illa quae instigante diabolo inter Majoris monasterii monachos et Rothonenses de aecclesia Beriacensi diu est habita,
l.3 qua ratione sit sedata successorum nostrorum notitiae tradere disposuimus. Cum enim utriusque aecclesiae monachi jus proprium in aecclesia Beriacensi diversis ex causis se habere perhiberent, tandem
l.4 ducti spiritu mansuetudinis et gratiae, ad hanc concordiam se venisse gavisi sunt. Tempore quo sanctae Romanae aecclesiae legatus, Engolismensis videlicet episcopus nomine Gerardus,
l.5 ad partes Britannicas causa celebrandi concilii jussione apostolica est destinatus, et apud Nannetum cum ceteris coepiscopis, pro eodem concilio celebrando congregatus, coram eo-
l.6-dem legato, presentibus episcopis Venetensi et Aletensi atque collaudantibus, domnus abbas Majoris monasterii cum eruditioribus aecclesiae suae filiis, pro pace conservanda, et
l.7 predictae aecclesiae Beriacensis calumnia adquietanda, terram quandam oboedientiae Dongiensi pertinentem quae insula Areae dicitur sicut tenuerant solutam et quietam monachis
l.8 Rothonensibus perpetualiter habendam concesserunt, et capellam quandam sacerdotalem viginti libris comparatam, eis pro testimonio contulerunt. Abbas autem Rothonensis Her-
l.9-veus nomine, monachique sui presentes quorum nomina subscripta sunt, calumniam illam guerpiverunt, et sepedictam aecclesiam monachis Majoris monasterii in perpetuum habere
l.10 concesserunt. Post hanc vero concordiam apud Nannetum factam, abbas Majoris monasterii quosdam de fratribus, Guarinum de Lanrigan, Hamelinum de Beriaco, Milonem de Castello Joscelini,
l.11 ad capitulum Rothonense transmisit, ibique res sicut antea facta fuerat est corroborata, presente Rotberto de Arborella et Graphione heremita. Et ut in futurum servaretur, a fratribus
l.12 ejusdem capituli concessa, atque in capitulo Majoris monasterii presentibus quibusdam Rothonensis aecclesiae fratribus ipso scilicet domno abbate Herveo, et Moyse Calvo, Goscelino
l.13 converso, atque Herveo Bulgro, qui ad hoc audiendum missi fuerant affirmata. Sane si quis in posterum terram illam quae monachis Rothonensibus est concessa calumniatus fue-
l.14-rit, monachi Majoris monasterii pro posse suo justicia dictante sine datione peccuniae eis eam adquietabunt, et in aliis necessitatibus si necesse fuerit eos sicut fratres adjuvabunt.
l.15 Porro nec monachi Majoris monasterii intercipient res Rothonensium monachorum, nec Rothonenses, res Majori monasterio pertinentes. Quod tamen si fieri forte contige-
l.16-rit, per eorum vel negligentiam vel ignorantiam, illi quorum res fuerint interceptȩ, proclamationem facient in capitulum alterorum, et interceptores quae interceperint aut
l.17 plane dimittent, aut si plane noluerint, tenebunt eis judicium super hac re loco competenti, sicut fratribus et amicis. Huic concordiae et paci interfuerunt predictus legatus Gerardus
l.18 episcopus, Judicalis Aletensis episcopus, Morvannus Venetensis episcopus, abbas Majoris monasterii Willelmus cum monachis suis, Willelmo priore, Guarino de Lanrigan, Petro ba-
l.19-julo, Rivallonio secretario, Evano secretario, Hamelino de Beriaco priore, Gilone, Willelmo de Paciaco, Johanne Venetensi, Lamberto Dongiensi priore, Matfredo, Milone de Castello
l.20 Joscelini, Radulfo priore de Castello Joscelini. De Rothonensibus abbas Herveus cum monachis suis, Urvodio priore, Moyse Calvo, Gualterio Parvo, Rotberto olim abbate, Ulrico, Budico,
l.21 Otgerio, Daniele heremita, Gualterio Pintardo, Tangico abbate de Calmo, Eudone, Hugolino Pagano. De clericis et laicis, Franciscus archidiaconus Venetensis, Rivallonius archidiaconus Aletensis,
l.22 Rotaldus filius Normanni, Guihu de Castello Brientii. De famulis Majoris monasterii, Petrus Burdo, Adanus, Herveus nauta, Rotbertus Rossellus, Joscelinus nauta. CYROGRAPHUM INTER MAJORIS MONASTERII ET ROTHONENSIS ECCLESIE FRATRES.

1

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 14, p. 152-153, n° 8b.

MORICE (Dom P.H.), Mémoires pour servir de preuves à l'histoire ecclésiastique et civile de Bretagne, 2 vol., Paris, 1742-1744, t. 1, col. 421-422.