Gérard, évêque d'Angoulême et légat du Saint-Siège, confirme la donation faite par Géraud de Cors aux moniales de Fontevrault.

l.1 Girardus, Engolismensis ȩpiscopus et sanctȩ Romane ȩcclesiȩ legatus, Petronille religiose, sanctimonialium Fontiseubraudi abbatisse, salutem
l.2 et benedictionem. Quamdiu apostolice sedis vices gerimus, quieti et tuitioni religiosorum locorum quantum possumus providere debemus;
l.3 eapropter tibi et sanctismonialibus domino Deo in monasterio Fontiseubraudi servientibus elemosinam et donum Giraudi de
l.4 Cornu quod de masso de Ungiis et de omnibus ejusdem massi pertinentiis, de terra culta et inculta, de silvis suis et de
l.5 pascheriis silvarum suarum et de silvis suis ad facturam domorum vestrarum sive ad alias necessitates, de aquis et pratis,
l.6 de piscatione aquarum suarum et de monneriis, de feodis et casamentis suis quȩ adquirere possetis, de peagiis et consuetudi-
l.7-nibus terrȩ suȩ ad monasterium vestrum pertinentibus vobis et monasterio Fontiseubraudi fecerat et in presentia nostra iterum fecit
l.8 et concessit, et donum quod vobis et monasterio Fontiseubraudi de masso de Ris et de omnibus ejusdem massi pertinentiis post ea
l.9 fecit, laudamus, apostolicȩ sedis auctoritate concedimus et confirmamus, ut tam vos quam subsequaces vestre ea in perpetuum quiete et
l.10 pacifice habeatis et possideatis. Si quis vero heredum predicti Giraudi hoc donum et elemosinam ejus impedire seu perturbare
l.11 vel diminuere temptaverit, secundo tertiove commonitus, nisi resipuerit et ad emendationem, venerit, a liminibus ȩcclesiȩ Dei et a
l.12 sacratissimo corpore domini nostri Jhesu Christi arceatur. Et ut hȩc confirmatio nostra firmior et cercior habeatur, in
l.13 hac karta propria nostra manu subscripsimus sigillo nostro muniri fecimus. Ego Girardus Engolismen-
l.14-sis episcopus et sancte Romane ecclesie legatus subscripsi. [sceau].

1