Gervinus, évêque d'Amiens, donne à l'église d'Auchy, les autels de Conceium et Botbercium avec toutes leurs dépendances.

l.1 IN NOMINE SANCTE ET INDIVIDUȨ TRINITATIS.
l.2 Ego Gervinus supernȩ propitiationis nutu Ambianorum presul dominici
l.3 ovilis, parvitatis meȩ filiis presentibus et futuris, stadii
l.4 hujus cursu feliciter consummato, ad bravium niti supernȩ
l.5 vocationis. Ad vos mihi sermo et ad posteros nostros carissimi,
l.6 quamvis peccator et hoc offitio indignus, ego tamen servus sanctȩ
l.7 Trinitatis, totius pie devotionis fautor et amicus, et divinȩ
l.8 visitationis manu pulsatus, fidelium nostrȩ dyoceseos humillimȩ
l.9 acquiescens petitioni, altaria villarum Conceii et Botbercii,
l.10 cum eorum omnibus appenditiis, et quȩcumque altaria alia Ingelram-
l.11-nus, suique divinitus aspirati offitii nostri auctoritate jam dederunt,
l.12 et quecumque in episcopatu nostro ad animȩ suȩ remedium sunt daturi,
l.13 absque omni venditione concedo et munere coactionis sancte Dei ecclesie
l.14 Alchi et fratribus ad serviendum Deo in ea deputatis, quatinus redditibus eorum
l.15 sustentati, instanter in psalmis et hymnis perseverent et spiritalibus
l.16 canticis, ea quidem conditione quatinus auctoritate nostra personȩ
l.17 duȩ constituantur, a quibus sicut a reliquis personis universis episco-
l.18-pales redditus exigantur, hoc excepto quod in eodem personatu
l.19 episcopi et archydiaconi sumptus persolventur. Personis autem illis iter
l.20 aggredientibus universe carnis, abbatia illa nequid detrimenti
l.21 patiatur, alii duo fratres arbitrio nostro vices priorum suppleant, et redditus
l.22 nostros equitatis censura, et jure ȩcclesiastico sicut et aliȩ personȩ persolvant.
l.23 Hoc autem ad superni nominis laudem, et catholicȩ religionis proventum
l.24 fieri adjudicavi, in futuro mihi providens, et successoribus hujus sacratis-
l.25-simȩ sedis, ut operis hujus interventu, veniȩ merces nobis recompensetur in
l.26 die furoris Domini, quando juxta prophetam in brevi ira ejus exarserit, et in circuitu
l.27 ejus valida tempestate exorta, ignis in conspectu ejus ardebit. Recitata vero fuit hec
l.28 carta Ambianis in concilio VIII idus novembris, anno millesimo nonagesimo
l.29 nono, et indictione VII ab humanitate salvatoris. Qua recitata,
l.30 ego et qui ad synodum sanctam convenerat ordo sacerdotalis, unanimiter
l.31 percussimus gladio oris, si quis contumax et rebellis, et animȩ suȩ inimicus,
l.32 privilegii hujus aliquid dissolvere presumpserit.
l.33 Actum fuit hoc domno Urbano summo pontifice et papa universali, Philippo
l.34 regnante in Galliis, domino G. antistite Ambianis, R. decano, F. et I.
l.35 archylevitis, domno Oberto preposito. [croix] Signum Gervini ipsius episcopi.
l.36 [croix] S. Ingelramni archidiaconi.[croix] S. Fulconis archidiaconi. [croix] S. Rogeri decani.
l.37 [croix] S. Oberti prepositi.
l.38 S. Rogeri cantoris. S. Raineri thesaurarii. S. Warini cancellarii.
l.39 [croix] S. Walteri abbatis de sancto Judoco. [croix] S. Rumoldi persone. S. sacerdotum
l.40 Hugonis, Anscheri, Gisleberti. S. diaconorum Claronis, Nantaldi, Balduini.
l.41 S. Geroldi, Johannis, Milonis, subdiaconorum.
l.42 [sceau].