Marseille, AD Bouches-du-Rhône, 1 H 73 n° 353

<< < / > >>

Numéro4349

Fiabilité de l'actenon suspecté

Genrelettre

Date23/04/1113(fiabilité :édition)

Lieunon identifié

DiocèseCarcassonne

RégionLanguedoc-Roussillon

Supportparchemin

Chirographienon

Sceau non scellé

Etat de la traditionoriginal

Hauteur à gauche93   mm

Largeur en bas443   mm

AuteurAbbaye  de  SAINT-VICTOR  de  MARSEILLE

BénéficiaireAbbaye  de  LA GRASSE

Regeste

Les moines de Saint-Victor de Marseille, s'adressant aux seigneurs B. et D. vraisemblablement dignitaires de l'abbaye de La Grasse, expriment leur étonnement devant la promesse qu'ils ont faite au comte de Cerdagne de lui payer ce qu'ils lui doivent. Ils leur font savoir qu'ils retiennent l'argent que le seigneur G. a emporté de Saint-Michel de Cuxa, les pressent de refuser tout remboursement au comte avant que ce dernier ait renoncé à exiger de tous ses débiteurs leur dû, et leur enjoignent de se rendre au plus vite chez eux pour régler ces affaires.

Fac-similé

Texte

l.1 DOMINIS hac venerabilibus patribus B. atque D. karissimis etiam fratribus nostris in monasterio Crasse pariter commorantibus, cuncta beatissimi Victoris martiris cenobii congregatio fideles hac debitas orationes in Christo. Quoniam sub omnipotentis Dei disposicione vivimus, movemus et summus nec nos quȩcumque ubique nobis accidant
l.2 terrarum ab ipsius debent evellere voluntate, cum sciamus nec folia [arborum] nec unus passer sine ejus nutu in ima decidere posse, neque enim visibiliter aut sensibiliter aliquid in tocius sit partibus mundi quod ne de ipsius invisibili atque in inintelligibili summi imperatoris aula, aut jubeatur aut permittatur, secundum ineffabilem
l.3 justitiam, premiorem [atque poenarum grav...] vel retributionum. Unde [...] accidant adversa cunctis fidelibus est gaudendum cum sit notum a Dei juditio nichil cadere indiscussum, ne privatim se pati debent arbitrari quidam, cum omnes integra vere fidei compagine diversa membra connectamur sub uno capite Christo. Numquid
l.4 enim si compatitur [unum membrum, insimul compa]ciuntur omnia membra. Vere [...] neque enim divisus est Christus. Quapropter, amantissimi seniores, certis fidei approbamus documentis in rebus utrisque nos gloriari vobiscum, et spiritu semper perferri omnia accidentia simul. Hec vero ideo diximus quia a Deo donante vobis concessum est pro ejus veritatis
l.5 norma temporaliter plagas [et obprobria pa]ti, in quibus nos etsi non corporaliter, quod utinam nobis a Deo prestitum esse, tamen spiritualiter pati fideliter arbitramur. Nam sciatis nos secundum carnem infirmos in primis, ut ea quȩ vobis evenerunt audimus, multum condoluisse; sed statim ut vestrȩ desiderantissime littere in capitulo recitate
l.6 fuerunt, et vos ferventes ac lȩtos de passione intelleximus, ita gavisi sumus, ut ultra tristiciam habiti doloris de vestrȩ constantiȩ fortitudine, gaudium in commune fieret plurimum. Sicque pariter in [ju]bilo cum letitiȩ fletibus omnipotentem conlaudavimus Dominum, qui de nostro vestro sua gratuita bonitate usque ad illud quosdam
l.7 perducere est dignatus, ut pro ejus veritate pati digni inveniantur. Scientes quoniam si sanctorum passionum socii fuerimus, erimus et consolationum. Et ut nos vera profiteri credatis, testis est Deus, quia plures Dominus [...] professi sunt se vobiscum fore ac pati in illa hora pro hujus rei justitia valde desiderasse. Et ideo, dilectissimi
l.8 fratres, mente integra, fide firma et caritate perfecta parati sitis ad omnia ȩquanimiter perferri contraria conservantes fortiter dominica precepta quȩ in regula sancti patris nostri Benedicti conscripta inveniuntur [et in omnibus] et super omnia matrem sacrarum virtutum complectentes obedientiam, quia per illam, Deo adjuvante, cuncta tollerare
l.9 poteritis adversa, et ita perseverare usque in finem, ut secundum proprios labores a Christo Jhesu Domino nostro debitas recipiatis mercedes. Psalmos vero quos nobis cum oratione pro communi tribulatione psallere man[dastis, qu]otidie, juxta modum imperii vestri, Domini clementiam exsolvimus supplicando. Quod autem nobis precepistis, ut omnia que dominus G.
l.10 secum attulit de monasterio Sancti Michaelis vobis mitteremus, quoniam placitum vos habiturum cum comite Cerritanensi et sibi cuncta redditurum spopondistis, multum admiramus quomodo sine presentia vel c[onsili di]cti senioris illud facere potuistis, maxime cum non sine precipius causis ea ipsae secum detulisse approbetur. Tamen ne
l.11 vobis inobedientes esse videamur, plurimum cum eodem seniore inde tractavimus, et omnia quȩ nobiscum ejusdem deliberationem visum est, vobis remisimus, precantes vestram paternitatem ne ea ullo modo reddatis, nisi prius omne debitum quod a predicto seniore multis debetur, pro utilitate ipsius monasterii a comite cunctis debito-
l.12-ribus restituatur, quia ob hoc ea secum deduxit, ne illi a quibus mutuo accepit decepti essent, et ipse in peccatum pro his incideret et periculum. Q[uare prudentissi]me provide ac strenue de his considerate, ne, quod absit, inconsulte ea comiti reddatis et quibus plurima de monasterio debentur fraudem ex rebus sustineatis,
l.13 et vos in peccatum ac cenobium vestrum in maximum pro his in postremum incurrat detrimentum. Si qua vero supersunt quȩ vobis non transmisimus, sciat paternitas [vestra...d]icto seniori vel ita esse commissa vel adquisita ut minime comiti pro hac ratione debeant reddi. De quibus si sermo a comite vobiscum exortum fuerit, cavete
l.14 ne aliquid ex omnibus reddere promittatis, donec supradictus filius vester de his in vestra presentia valeat raciocinari ut expedit vobiscum. Super hec [...]mis fraternitas ut in Capite Jeiunii venire properetis, si ulla vobis est cura monasterii vestri, quia hoc necessitas exigit. Quod nisi feceritis, graviter nobis
l.15 hac moleste ferre omnino sciatis. Valete.

Bibliographie

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 200-203, n° 141.

Responsable

M.-J. Gasse

Comment citer cette notice

Acte n°4349 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4349»[En ligne] http://www.cn-telma.fr/originaux/charte4349/. Date de mise à jour : 29/03/12.