Manassès, évêque de Cambrai, confirme à la cathédrale de Cambrai la possession de l'autel de Wethre.

l.1 [chrisme] IN NOMINE SANCTȨ ET INDIVIDUȨ TRINITATIS, Manasses, Cameracensium divina miseran-
l.2-te clementia humilis episcopus, presentibus atque posteris, pacem in perpetuum. Cum ad honorem et augmentum matris nostrȩ spiritualis
l.3 divinus sermo nos hortetur juxta id scripturȩ: Honora Dominum de tua substantia et frugum tuarum primitiis, execrabile
l.4 et horrendum est, si cujus lacte vivimus ditamur opulentia tam ipsam defraudamus, si non ipsam ea saltim substantia et primi-
l.5-tiis quȩ de ea ad nos emanarunt muneramus. Proinde ad animȩ nostrȩ et predecessorum nostrorum salutem altare de Vuethra cum ap-
l.6-penditiis suis ȩcclesiȩ sanctȩ Mariȩ Cameracensis cui indigni deservimus ad usus canonicorum clericorum nostrorum consilio et hortatu
l.7 liberum concedimus, ita sane ut sonegiȩ quotannis nobis et successoribus nostris solvantur, cȩtera obsonia nostra et mi-
l.8-nistrorum nostrorum imperpetuum excludantur. Si quis autem quod Deus avertat contra hanc traditionis et libertatis nostrȩ paginam
l.9 sciens insurrexerit, donec de transgressione hac reum se profitens canonicis satisfaciat, Patris et Filii et Spiritus Sancti maledic-
l.10-tionem in eum seminamus. Ad hanc vero traditionis libertatem perpetuo et inconvulse permanendam, eam ipsam sigilli nostri impressione
l.11 solidamus, atque subnotato personarum nostrarum legitimo testimonio autenticamus. Signum Radulfi ejusdem altaris archidiaconi.
l.12 Signum Alardi archidiaconi. Signum Gaugerici prepositi. Signum Raineri Sancti Sepulchri abbatis. Signum Goisfridi de Novo Castello abbatis. Signum
l.13 Fulgentii Affliginiensis abbatis. Signum Alaudi Atrebatensis abbatis. Signum Haimerici Aquicinensis abbatis. Signum Alberti Hasnonien-
l.14-sis abbatis. Signum Erleboldi sanctȩ Mariȩ prepositi. Signum Erleboldi decani. Signum Guodonis cantoris. Signum Rodulfi, Balduini,
l.15 Goisfridi, Airulfi, Johannis, Radulfi, Walteri, Rotberti, Hugonis, canonicorum. Signum Teoderici archidiaconi.
l.16 Signum Segardi decani ȩcclesiȩ sancti Gaugerici. Signum Lanvini ejusdem ȩcclesiȩ custodis.
l.17 Signum Radulfi scolastici. Signum Anselli, Ursionis, Rotberti canonicorum. [sceau].
l.18 Actum est autem hoc Cameraci in synodo in basilica Sanctȩ Mariȩ habita, anno ab incarnatione dominica MoCmo
l.19 indictione VIa, presulatus domni Manassȩ IIIIo.
l.20 Ego Werinboldus cancellarius scripsi et subnotavi.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 166.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 32, n° 15.