Le prévôt Foulques et le chapitre de l'église d'Aix confirment, à la demande de l'abbé Richard, la possession de toutes les églises acquises par Saint-Victor de Marseille dans le diocèse d'Aix.

l.1 Aecclesiasticȩ consuetudinis et sacrarum legum promulgavit auctoritas, ut omnis donatio seu venditio sive ȩtiam confirmatio
l.2 sub scripturȩ testimonio roboretur. Quapropter notum fieri volumus cunctis hominibus, tam presentibus quam futuris, quod Richardus, ve-
l.3-nerabilis abbas monasterii Massiliensis, venit in capitulum Aquensis ecclesiȩ ante Fulchonem prepositum et canonicos ejusdem ecclesiȩ,
l.4 presentibus aliis quibusdam clericis et laicis, et petiit sibi et monasterio suo in perpetuum confirmari ecclesias et honores ecclesiasticos, quos
l.5 Aquenses archiepiscopi vel sibi vel antecessoribus suis in archiȩpiscopatu Aquensi ante contulerant. Ego vero Fulcho, unacum canonicis prefatȩ
l.6 ecclesiȩ, cognoscentes quod justis petitionibus negare assensum nec possumus nec debemus, pari voto communique consensu, laudamus et
l.7 confirmamus domino Deo et beatȩ Mariȩ sanctoque Victori martyri, atque prescripto abbati Richardo et monachis ejus successoribusque eorum in
l.8 perpetuum, omnes ecclesias, cum prediis et pertinentiis suis, quas per manum archiepiscoporum Aquensium, vel abbates vel monachi Massilienses actenus
l.9 adquisierunt. Sunt autem ecclesiȩ, vel antiquo jure habitȩ, vel ante nos possessȩ, vel sub nostro tempore adquisitȩ: ecclesia Sancte Mariȩ in
l.10 castro quod dicitur Bruniola, et ecclesia parroechialis Sancti Mauricii in territorio castelli quod dicitur Turreves, cum capellis que ad eandem
l.11 ecclesiam pertinent, scilicet Sancti Salvatoris de Cauda Longa, et Sancti Petri, et alia in Saison, et alia in [Val]le; ecclesiȩ quoque de valle que
l.12 dicitur Brusa, id est Sancte Mariȩ et Sancti Martini et Sancti Michaelis et Sancti Symeonis et Sancti Petri de Auriac, et Sancti Stephani et Sancti Petri
l.13 de Sellione; item ecclesia Sancti Maximini, cum ecclesia Sancte Mariȩ et Sancti Mitri, que sunt in territorio castri Rodanis, in valle Sancti Maximini;
l.14 item ecclesiȩ parrochiales Sancti Jachobi de Esparro et Sancte Fidis de Artigua, et Sancte Mariȩ de Conforz, et Sancti Raphaelis; ecclesiȩ etiam
l.15 parroechiales Sancte Mariȩ de Oleires, et Sancti Victoris de Porcils, cum capellis suis, et Sancti Bartolomei de Rochafolio, et ecclesia Sancti Tro-
l.16-phimi de Porreires, cum aliis Sancti Petri et Sancti Jachobi et Sancti Stephani, ecclesia Sancte Mariȩ de Tritis et ecclesia Sancti Andreȩ de Rosed;
l.17 ecclesiȩ iterum parroechiales de Podio Lupario, et de Podio Nigro, cum aliis Sancti Victoris et Sancti Petri; ecclesia parroechialis
l.18 de Affuel, cum ecclesia Sancti Michaelis; et ecclesiȩ parroechiales de Venel et de Miroil; ecclesiȩ item de Gardana, Sancte Mariȩ parroechialis, Sancti Valen-
l.19-tini, cum capellis Sanctorum Michaelis, Petri, Baudilii; ȩcclesia parroechialis de Cauda Longa, ecclesiȩ parroechialis de Bucco et de Ca-
l.20-prario, eecclesia parroechialis de Berbento; ecclesia Sancti Petri de Aquis. Has igitur ecclesias prelibatas prefato monasterio, cum omnibus eisdem
l.21 ecclesiis pertinentibus, videlicet cymiteriis, decimis, primiciis, oblationibus, prediis, reditibus, que modo habent vel in futurum habebunt,
l.22 cum aliis omnibus que in Aquensi archiepiscopatu supradictum monasterium Sancti Victoris et habitatores ejus adquisierunt, tam in ecclesiis quam
l.23 in aliis honoribus, que modo habet, vel in antea donatione vel permissione archiepiscoporum preteritorum habuerint, salva obedientia et reverentia et jure
l.24 sanctȩ sedis Aquensis ecclesiȩ auctoritate nostra corroboramus, laudamus atque firmamus, et omni tempore habenda, tam presentibus quam futuris predicti
l.25 monasterii abbatibus, et monachis possidenda et disponenda concedimus. Si quis sane, cujuscumque sit sexus, conditionis et ordinis, hanc nostrȩ
l.26 auctoritatis cartam inquietare, infringere vel annullare temptaverit, nullatenus valeat vendicari; sed quousque resipiscat, a consortio
l.27 fidelium Dei alienus existat, insuper C libras auri persolvat, et post hȩc perpetuo carta firma et stabilis permaneat. Actum est hoc apud Aquis,
l.28 anno Domini millesimo XCVIII, XV kalendas augusti, presente Raimundo, Massiliensi ȩpiscopo, laudantibus atque firmantibus Fulchone,
l.29 Aquensis sedis preposito, canonicis vero Hugone, Bermundo, Norperto, Willelmo, Petro de Acu, Pontio Rainoardo, Petro Alfanti, Giraldo,
l.30 Guidone, Gaufredo; laicis quoque Fredelone, Pontio Pelagal, Geraldo de Solario et Geraldo Ranculel, Petro et aliis pluribus.
l.31 FULCHO SCRIPSIT.