Accord entre Geoffroi de Grimaud et Richard, abbé de Saint-Victor de Marseille, au sujet de l'église, de la paroisse et de la moitié du château de Grimaud que Geoffroi cède à Saint-Victor de Marseille avec tous ses droits, contre un versement de 70 sous de Melgueil.

l.1 Noticia placiti quod fecit Gauzfredus de Grimal cum monachis Sancti Victoris, videlicet Isnardo, Bernardo Pelet et Nicecio Pannafeu,
l.2 de castello de Grimal. Ego Gauzfredus dono et guerpio domino Deo et sanctȩ Mariȩ et sancto Victori, et monachis ejusdem loci Sancti Victoris,
l.3 ȩcclesiam vel parrochiam de Grimaldo, cum omnibus quȩ ad eandem ȩcclesiam vel parrochiam pertinent vel pertinere debent, sine ullo censu
l.4 et sine ullo usage, cum omni decimo quem in eandem parrochia vel in territorio jamdicti castelli modo habent monachi vel in
l.5 antea acaptare potuerint, et nominatim eam partem quȩ fuit Guidonis de Signa et Petri Engelranni. Definio
l.6 etiam et guerpio medietatem ipsius castelli de Grimal, sicut eam monachi Sancti Victoris ibi habere debent et ego cum abbate
l.7 Richardo jam ante partitus fueram, sine ullo engan et sine ullo usage, ut habeant et teneant monachi Sancti Victoris
l.8 ipsud castellum, sicut ad se pertinet. Si quis autem supradictum castellum vel aliquid ex supradictis rebus sive ad eundem
l.9 [ca]stellum pertinentibus tollere voluerit sancto Victori, aut in aliquo contrarius existere eis monachis, ego Gauzfredus
l.10 prom[itto] et convenio quod fidelis adjutor et defensor ero sancto Victori et monachis supradicti monasterii Massiliensis,
l.11 sine ullo engan; et accepi propter hoc de subtantia sancti Victoris a monachis supradictis LXX solidos denariorum milguiresium.
l.12 Factum est hoc in presentia Faraldi et Fulchonis, filii ejus, et Pontii Rebol, et Bernardi Pelet, et Isnardi Aldebert,
l.13 et Rainaldi, et Nicecii Pannafeu et aliorum bonorum hominum clericorum et laicorum. Ugoleni hanc guerpicionem
l.14 laudaverunt. Ego Gauzfredus de Grimal hanc guerpicionis cartam scribere rogavi quam laudo et firmo.
l.15 Facta carta hujus guerpicionis anno incarnacionis dominice MXCVI.
l.16 Raimundi. Petri presbiteri. Petri diaconi.