Dalmace, archevêque de Narbonne, confirme à Saint-Victor de Marseille et à l'abbé Richard, l'église suburbaine de Notre-Dame qui avait été enlevée aux simoniaques et qui devait appartenir à Saint-Victor sous la dépendance de Saint-Paul de Narbonne.

l.1 In Dei nomine. Ego Dalmacius, Narbonensis archiepiscopus, instinctu divine visitacionis, cognoscens fluctuaciones et afflicciones ecclesiarum Dei et specialiter desolacionem, et miserabilem captivitatem
l.2 ecclesie Sancte Marie suburbane quam per Dei gratiam a nonnullis detrimentis et a simoniaca heresi liberaverim, et cupiens illam in perpetuo statu catholice fidei restituere unacum consensu et
l.3 voluntate clericorum Sancti Justi et Pastoris, volo et concedo predictam ecclesiam beate Marie suburbane ordinandam et perpetuo regendam in potestate et regimine domni Ricardi Massiliensis
l.4 abbatis ejusque successorum et eorum monachorum tam presencium quam futurorum regulariter secundum possibilitatem loci ibi degencium, salva reverencia et cannonica hobediencia ecclesie Sancti
l.5 Justi et archiepiscopi et clericorum ejus, et rectitudine ecclesie Sancti Pauli. Et si quid ortum fuerit de antiquis consuetudinibus inter ecclesiam Sancti Pauli et ecclesiam beate Marie in judicio archiepiscopi
l.6 vel clericorum Sancti Justi determinetur. Et quoniam ex antiquis decretis sanctorum patrum pontificum licenciam et auctoritatem habemus de ecclesiastico jure nostre ecclesie cum consilio clericorum
l.7 constituere monasterium sub nostra diocesi ubicumque fuerit velle volumus et constituimus cum consensu et voluntate clericorum Sancti Justi auctorizamus ecclesiam beate Marie
l.8 suburbane, cum omnibus sibi pertinentibus modo habitis et in antea juste adquisitis in monastico ordine et religione perpetuo consistere. Quatinus in eodem loco servi Dei sub regimine et ordinacione Massiliensis abbatis libere et secure serviant
l.9 Deo et perpetuo quietam ducant vitam. Et quia Massilienses fratres de summa paupertate et misera captivitate cum Dei adjutorio predictam sublevaverunt ecclesiam, volumus et decernimus in
l.10 potestate et regimine Massiliensis abbatis perpetualiter esse, salva reverencia et hobediencia ecclesie Sancti Justi et clericorum ejus et reverenti rectitudine Sancti Pauli. Mandamus etiam
l.11 et interdicimus et omni auctoritate firmamus ut nos, neque successores nostri, neque aliqua [persona, i]njuste inquietare vel auferre presumat predictam ecclesiam Massiliensibus fratribus regulariter
l.12 secundum possibilitatem loci ibidem viventibus qui eam de tanta sublevaverunt paupertate et mi[sera]bili captivitate. Et quod alodium esse scimus Sancti Justi et perpetuo esse volumus et reser-
l.13-vamus, decernimus et constituimus ut per unum quemque annum per rememoracionem et recognicionem donent tres libras cere ecclesie Sancti Justi, in eorum festivitate, monachi Massilien-
l.14-ses qui in predicta ecclesia beate Marie suburbane consisterint. Reservata etiam sicut prediximus [sa]lva reverencia et cannonica hobediencia ecclesie Sancti Justi et clericorum ejus
l.15 quam filia ecclesia juste debet exibere matri sue ecclesie et equitate ecclesie Sancti Pauli. Facta ista scriptura [...]onis et commendacionis XIIII kalendas octobris anno millesimo octuagesimo VIIo incarnacio-
l.16-nis dominice, regnante Filippo rege. Sig[croix]num Dalmacii Narbonensis archiep[iscopus h]anc scripturam scribere fecit et firmavit et hos testes firmare rogavit. Sig[croix]num Petri
l.17 Carcassonensis episcopi. Sig[croix]num Bertrandi Barchinonensis episcopi. Sig[croix]num Bernardi archidiaconi. Sig[croix]num Petri Geralli. Sig[croix]num Petri Salomonis sacriste. Sig[croix]num Arberti grammatici.
l.18 Sig[croix]num Eneas. Sig[croix]num Guidonis. Sign[croix]um Petri Udalgerii. Sign[croix]um Bernardi Raimundi et ceterorum clericorum. Sign[croix]um Poncii Secfredi. Sig[croix]num Raimundi Petri. Sign[croix]um
l.19 Geralli Gaufredi. Sign[croix]um Arnalli de Virzela. Sign[croix]um Ugonis. Sign[croix][um ...] de Verzella. Sign[croix]um Bernardi Gifredi. Sign[croix]um Bernardi Amelii et cunctorum clericorum.
l.20 Sig[croix]num Guillelmi Rigualli.
l.21 Berengerius monachus qui hoc scripsit, cum litteris in octava linea superpositis, sub die et anno quo supra. ABCDEFGHIKLMNOPQRSTVXWZ.