Centule I^er, comte [de Bigorre], et Béatrix son épouse, donnent à Saint-Victor de Marseille et à l'abbé Richard l'abbaye de Saint-Sever[-de-Rustan], au diocèse de Tarbes.

l.1 In nomine sancte et individue Trinitatis. Ego Centullus [come]s et uxor mea Beatrix, pro remedio animarum nostrarum et parentum nostrorum, monasterium Sancti Severi confessoris, in valle Rostanensi, in loco Abiciaco situm,
l.2 in episcopatu Tarbensi, in comitatu Bigorritano, a monastica religione jam pene lapsum, omnipotenti Deo et beate Marie virgini et sancto Victori Massiliensi martiri, et abbati Ricardo et successoribus ejus, monachis quoque Massiliensibus presentibus et fu-
l.3-turis, donamus, concedimus atque relinquimus in perpetuum habendum, tali tenore, ut abbates Massilienses abbatem in predicto monasterio constituant benedicendum secundum regulam sancti Benedicti et consuetudinem monasterii Massiliensis, et monachos male
l.4 viventes et inobendientes inde auferant, et alios mittant qui monasterium ordinent secundum consuetudines monasterii Massiliensis. Quod si abbas Sancti Severi contra regulam sancti Benedicti et consuetudines Massiliensis monasterii vixerit,
l.5 et comes et episcopus hoc tercio abbati Massiliensi per fideles et certos nuncios notificaverint, et securitatem et potestatem corrigendi illum in tota terra sua dederint, et abbatem ad obediendum constrinxerit et ipse
l.6 neglexerit, habeat potestatem comes et episcopus Bigorritanus corrigendi abbatem, secundum regulam sancti Benedicti. Donamus ergo ab integro Massiliensi monasterio et ibi Deo servientibus quicquid
l.7 in predicto monasterio Bigorritanenses comites actenus habuerunt vel visi sunt habere, preter eam legem quam de clamationibus et sedicionibus secularium hominum in monasterio Sancti Licerii et in aliis
l.8 Bigorre monasteriis habet, salva tamen actoritate Tarbensis ecclesie. Jussu ergo et consilio Dodonis, Tarbensis episcopi, facta est hec carta,
l.9 anno ab incarnato Dei filio millesimo octuagesimo VIIo, IIII idus mai. Et ut hoc donum firmum et stabile in perpetuum maneat, ego comes Centullus,
l.10 sine cartam manu mea firmo, et uxori meae Beatrici et principibus meis firmare precipio.