Pons, évêque de Rodez, donne à Saint-Victor de Marseille et à l'abbé Richard, l'abbaye Saint-Amans de Rodez, avec ses biens.

l.1 IN NOMINE Domini nostri Jhesu Christi. Ego Poncius, sanctȩ Rutenensis ecclesiȩ presul immeritus, cernens monasterium beati Amancii sine religione et Dei servicio, longo jam ex tempore,
l.2 tum pro potentia et, ut ita dicam, insania et superbia secularium abbatum, qui potius apostate quam abbates, et milites magis quam clerici, ibi extiterunt, et predia predicti monasterii, secularibus
l.3 usibus suisque parentibus tradiderunt, tum pro neglegentia clericorum, qui, suo ordine dispecto, animarum suarum periculum sibique comissarum interitum huc usque contempserunt,
l.4 trado, cedo, dono et confirmo, cum consensu et voluntate canonicorum meorum videlicȩt et ȩcclesiȩ filiorum, Bernardi Isarni archidiaconi, et Odalrici archipresbyteri, et Deodati
l.5 sacriste, Inguilberti, et nepotis ejus Bernardi, et Deodati diaconi et Raimundi Petri,
l.6 predictum monasterium Sanctorum Petri et Pauli Sanctique Amancii domino Deo et sancte Mariȩ sanctoque Victori martiri, et abbati Massiliensi Ricardo, et cuncto gregi Massiliensi sibi
l.7 subdito suisque successoribus, cum omnibusquȩ predicto monasterio Sancti Amancii adjacent, pro remissione peccatorum meorum, legitime et fideliter dono et offero. Si qua vero
l.8 persona, princeps laicus vel clericus, hujus doni irruptor, destructor vel contradictor extiterit et annullare vel commutare temptaverit, iram Dei omnipotentis et beati Petri, nisi resi-
l.9-puerit, incurrat, nostrȩque et omnium fidelium ȩcclesiȩ prepositorum malediccionis gladio feriatur. Facta est hȩc carta anno ab incarnato Dei verbo millesimo LXXXoIIo.

RIGAL ?