Bernard, comte de Besalu, donne à Saint-Victor de Marseille les monastères Saint-Pierre de Besalu et Saint-Étienne de Banolles (Banyoles).

l.1 [chrisme] In nomine sanctȩ et individuȩ Trinitatis. Ego Bernardus, Bisuldunensium co[mes],
l.2 videns quod monasterium Sancti Petri, quod est situm in castro Bisuldunensi, j[uxt]a aquam
l.3 Fluviani, longe usque ad nostra tempora a religione et ordine monacho destitutum,
l.4 Deo parum vel nullum ecxibebat servitium, Massiliensibus Sanctȩ Mariȩ et Sancti Vic-
l.5-toris martyris monachis jampridem tradidi restaurandum. Sed illis per Dei gratiam in predic-
l.6-to coenobio fideliter laborantibus et ad justiciȩ cultum fructumque piȩtatis eundem
l.7 locum Sancti Petri perducentibus, iterum, pro salute animȩ meȩ, ab integro predictum monasterium presen-
l.8-tibus et futuris Sanctȩ Mariȩ et Sancti Victoris abbati et monachis placuit conferre et confir-
l.9-mare. Unde ego Bernardus comes dono, trado, concedo, exibeo, relinquo
l.10 et dimito, pro salute mea et parentum meorum, Deo et sanctȩ Mariȩ et sancti Victori martyri, et
l.11 tibi Ricarde, abbas Massiliensis, et omnibus successoribus tuis, abbatibus Massiliensibus,
l.12 monachisque presentibus et futuris, ex toto omnino monasterium Sancti Petri apostoli Bisuldu-
l.13-nensi, quod est in episcopatu Gerundensi et in comitatu Bisuldunensi, ut habeatis
l.14 et possideatis in perpetuum et omnem hordinationem, tam abbatum quam monachorum,
l.15 secundum regulam sancti Benedicti et constitutiones Massiliensis monasterii, ibi faciatis.
l.16 Habeas ergo tu, tuique successores vel monachi Massilienses, licentiam mittendi ibi quos
l.17 volueritis monachos et auferendi, et ordinandi predictum monasterium, prout vobis visum fuerit,
l.18 sine impedimento mei vel successorum meorum comitum vel alicujus personȩ. Ita dono, concedo
l.19 et offero Sancte Mariȩ Sanctique Victori martyri predictum monasterium et omnino quicquid
l.20 hactenus ibi habui vel habere visus fui, absque ulla deceptione et malo injenio.
l.21 Igitur ego vel quelibet persona, cujuscumque conditionis vel ordinis, hoc donum
l.22 infringere aliquando vel mutare temptaverit, non valeat consequi quod
l.23 apetit, sed insuper CCC libras auri pro hoc ipso sancto Victori componat, Deique
l.24 omnipotentis, donec satisfaciat locumque liberum derelinquat, iram incurrat.
l.25 Facta est autem hec carta vel donum anno ab incarnato Dei filio MLXXX,
l.26 indictione III, epacta XXVI, mense augusto, VI idus ejusdem mensis, luna XVII.
l.27 Signum Bernardi, Bisuldunensium comitis. S. Arnallus Bernard. S. Pontius.
l.28 levita. S. Pandulfus presbiter. S. Willelmus, archidiaconus Gerundensis.
l.29 Data per manum Beraldi Massiliensis monachi, regnante domino nostro Jhesu Christo.