Guillaume Silvani et Vidianus son frère, donnent à Saint-Victor de Marseille l'église Saint-Martin d'Allons (arr. Castellane, cne Saint-André-des-Alpes) avec tous ses droits et ses appartenances.

l.1 In nomine sanctȩ et individuȩ Trinitatis. Ego Vuilelmus Silvani et Vidianus, frater meus, filii Cesariȩ pro remedio peccatorum nostrorum et vitae eternae premio ut Deus omnipotens misereatur animabus parentum nostrorum dando eis vitam eternam,
l.2 donamus, concedimus sive tradimus omnipotenti Deo et beate Marie semper virgini et beato Victori martiri et monasterio Massiliensi et monachis ibidem Deo servientibus tam presentibus quam et futuris ȩcclesiam Sancti Martini
l.3 parrochialem de villa que dicitur Alonz ab integro cum omni fevo presbiterali id est de decimis et primiciis et oblacionibus et terris et omnibus omnino rebus que ad ipsam ȩcclesiam pertinent libere ut monachi habeant,
l.4 teneant et possideant et secundum quod eis placuerit ad servicium Dei disponant sine aliqua inquietudine vel contrarietate nostra vel eredum nostrorum. Sane si quis de parentibus nostris vel aliqua quelibet persona contra hanc
l.5 donacionem ire voluerit et hoc destruere quod nos pro honore Dei et melioracione sive restauracione illius ȩcclesiȩ facimus non valeat adimplere quod cupit et nisi resipuerit, maledictionem omnipotentis Dei et omnium sanctorum suorum
l.6 incurrat et cum Juda traditore in inferno inferiori penas ȩternas sustineat. Hac donacione quam per manum Ricardi ejusdem monasterii abbatis facimus firma ac stabili permanente.
l.7 Facta autem hec carta anno ab incarnacione Domini millesimo LXX, in mense junio. Ego Vuilelmus Silvani hanc cartam firmo. Ego Vidianus similiter firmo.