Pons, évêque de Rodez, confirme à Richard, abbé de Saint-Victor de Marseille, la donation de l'abbaye de Saint-Amans faite à son frère Bernard par le comte Robert et son épouse Berthe.

l.1 [In Dei] omnipotentis nomine. Ego Pontius, Dei gratia, licet immeritus, Ruthenensis ecclesiȩ presul, tamen ad hoc in episcopatus officio positus ut ȩcclesiastica queque, quȩ per [antecessorum meorum ne-
l.2-g]legentiam et potestatum secularium violentiam neglegta fuerant, corrigerem, inter multa quȩ corrigenda repperi, abbatiam Sancti Amantii, quȩ quondam monast[ica religione flo-
l.3-ru]erat, ad secularitatem declinatam [inv]eni. Et quia hanc eandem abbatiam Rothbertus comes et ejus uxor Berta, filia Ugonis, Ruthenensis comitis, relevare et in [ordinem antiquum,
l.4 sc]ilicet monasticum, reformar[e, Ber]nardo, Massiliensi abbati, ad hoc reordinandum tradiderunt, ut sui monasterii juris esset in perpetuum; sed sevient[e bellorum turbine,
l.5 i]dem abbas locum sibi traditum non potuit reordinare. Igitur, episcopatus mei tempore, jam bellorum sedato turbine, ob reordinandȩ abbatiȩ jamdictȩ, venerabi[lem Richardum abbatem],
l.6 jamdicti abbatis Bernardi successorem, adii, et donum ipsius abbatiȩ, predecessori suo factum, eidem abbati Richardo recognovi et confirmavi, ea scilicet racione ut monasti[cum]
l.7 ordinem inibi reformaret, ut idem abbas et ejus monachi eandem abbatiam cum ȩcclesiis et omnibus ad se pertinenti[bus] gubernandam et ordinandam, sine ulla contradictio-
l.8-ne alicujus hominis, sicut a supradicto comite et ejus uxore Berta acceperant, in perpetuum haberent et possiderent. Itaque supradictam ecclesiam, cum omnibus legaliter
l.9 et legitime ad se pertinentibus, sancto Victori et Massiliensi monasterio trado, dono et firmo predicto monasterio et abbatibus et monachis presentibus et futuris. Si quis autem episcoporum,
l.10 clericorum vel etiam secularium, hanc auctoritatis nostrȩ cartam annullare temptaverit, nullatenus hoc agere possit; sed hȩc auctoritatis meȩ carta firma et stabilis
l.11 in perpetuum maneat, et qui hanc irrumpere voluerit, a consorcio fidelium Dei alienus existat, nisi resipuerit; insuper componat in vinculo auri pondus C librarum.
l.12 Facta carta cessionis hujus anno incarnacionis dominice M°LXXVIIII. Pontius, Rutenensis episcopus, manu propria firmat [croix].

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 203-204, n° 837.

DEVIC (Cl.), VAISSETE (J.), Histoire générale de Languedoc, 15 vol., Toulouse, 1872-1892, t. 5, col. 646, n° 335 (CCLXXVII).