Lettre de P. moine de Saint-Victor de Marseille à l'abbé Bernard qui l'avait envoyé dans le Languedoc, lui faisant part de diverses affaires pour lesquelles il était parti, et demandant des livres et de bons religieux.

l.1 Patri venerando domno B[ernardo] dignis prȩconiis efferendo P. servus vel utinam idoneus pacem cum orationibus. Quanto me pater inclite profundius in hujus vitȩ periculis impellitis navigare
l.2 tanto prestantius obtati auxillii manum non denegetis porrigere, quoniam decertare vehementer in hermem ubi sepius fortissimi pereunt hunc misistis, quem poene debiliorem inter subditos
l.3 invenistis. Hinc ergo condecet ut obstaculo vos super me sollicite extendatis, ac venerabilium patrum preciosȩ memoriȩ ut pie reddere alios soletis, me nichilominus commen-
l.4-dando representetis, hec est totius spei fiducia quȩ non mediocriter firmat, quotiens me submergere minax fluctus intemptat. Deinde expeto ut librorum solatio
l.5 pascere procuretis utiliumque fratrum comitatum prebeatis quo seculi pondus ferre valeam levius. Ideoque fratrem P. de Carreria firmiter adherere jubete, ne nimis cito inveniar
l.6 destitutus, et adcambulat sicut utrisque complacet frater pergat Richelmus cui tam ipse quam ego subveniamus sepius Uguonem vero Prunelli equum restituere cogite, atque si vultis
l.7 frater Rostagnus dicat que causa nobis illum exprimere compellat. Nam et hoc rescire si placuerit facite, si Stephanus Servablad pro instituendo inter nos suo filio vestro firmus im-
l.8-perio a Crassensi reversus est cenobio. Sed quid nobis ejus conferat nunc adventus advertite, et quid inde fieri oporteat providete. Nam non solum ea que olim pro filio concede-
l.9-re predixerat subtrait fraudulenter, sed ea que bonȩ memoriȩ frater Radulphus fideliter contulerat, filios suos requirere instigat. Domos etiam quasdam in quibus nobis censum
l.10 adtribuit hucusque non veretur similiter se non fecisse dicere. Petrus vero Virgilii vice defuncti filii introducendum alterum, sed per eodem munere efflagitat assidue.
l.11 Preterea fratrem vestrum V. vicecomitem sicut idem me sepius multis constrinxit precibus vestris orationibus offero emendandum, et pro pace componenda cum fratre Dominum exorate. Quidam
l.12 autem insanissimi milites nituntur inter eos disseminare lites, nisi vestra oratio adcurrerit his cito. Ut autem firmiter sciatis quid Petrus de debito Armandi fecit ita est totius
l.13 debiti XL fuerunt modii, quos omnes Petrus reddidit preter VII, quos ad mensuram suam minorem, Armandus Unimia improbitate recusavit recipere. Nichil ergo aliut vel
l.14 de denariis vel de aliis rebus se scisse Petrus confitetur aliquando valete et de libris pro quibus necessarium semper nobis fratrem dirigimus, experiamus subsidium et fratrem sub festina-
l.15-tione eadem qua accelerat, mereamur recipere.