Frotaire, évêque de Nîmes, et son neveu le vicomte Raimond, restituent à Saint-Victor de Marseille et à l'abbé Durand, l'abbaye de Sorèze qui devra demeurer sous sa dépendance et recevoir de lui ses abbés.

l.1 In nomine sanctae et individuȩ Trinitatis, Patris et Filii et Spiritus Sancti, atque honore sanctȩ Dei genetricis et virginis MARIAE, ego Froterius, Nemausensis episcopus, et Raimundus, nepos meus vicecomes, audientes
l.2 excomunicationem sanctȩ aeclesiȩ romanȩ a domno Nicolao papa secundum auctoritatem canonicam nostras ad partes destinatam, symoniacham heresim terribiliter serientem, paventesque nimium
l.3 ne propter aeclesiasticos honores, et abatias a nobis hactenus male possessas et venditas, idem anathematis incurramus periculum, pro animarum nostrarum, parentumque nostrorum redemtione, et ȩternȩ vitȩ retributione,
l.4 monasterium nostrȩ [ditionis] in honore ejusdem sanctȩ Dei genitricis virginis MARIAE, sanctique Benedicti, aliorumque sanctorum consecratum, quod vulgo vocatur Sorizinum, gratia recuperationis atque studio regulari monastici
l.5 ordinis concedimus Durando abbati sancti Victoris monasterii Massiliensis et omnibus successoribus ejus ad dominationem et gubernationem atque tuitionem; ita ut ipse Durandus et omnes successores ejus mittat,
l.6 et mittant [in eodem] monasterio So[rizino] abbatem omni tempore suo juditio dignum, qui secundum institutionem et ordinem monasterii Massiliensis vivat, et monachos sibi subjectos vivere exigat.
l.7 Quod si, quod absit, abbas ille Sorizinensis videlicet ab ordine et disciplina coenobii Massiliensis deviaverit, et monachos sibi subjectos ad justiciae tramitem male viventes non emendaverit,
l.8 veniat abbas Massiliensis in Sorizino et corrigat et emendet eum. Si vero ille superbia elatus emendare se noluerit, alium in loco ejus prudentiorem et digniorem abbas Massiliensis mittat, et negligentem
l.9 et superbientem secum reducat. Hoc igitur ego supranominatus Froterius, sicut suprascriptum est, stabilio et semper firmum esse volo, malosque usus et venditiones quas symoniace de eodem monasterio faciebam, in perpetuum
l.10 ad libertatem jamdicti monasterii et ad stabilitatem sanctȩ regulȩ dimitto cum Raimundo nepote meo, et omnibus propinquis meis in perpetuum interdico, et omnes honores, possessiones et predia quȩ modo videtur habere
l.11 [...] nominatum monasterium, omnipotenti Deo et sanctȩ Mariae semper virgini reddimus, sine ullo malo ingenio dico, excepto hoc quod ego Froterius modo videor habere vel possidere in mea propria dominicatura
l.12 [... nos... offerimu]s abbates videlic[et, qui] dicti fuim[us] ejusdem monasterii [pro timore et amore omnipotentis] Dei abbaciam ipsam quam male usurpavimus supras[cripto] abbati Massiliensi, lib[enter in manu] relinquimus.
l.13 Si [vero] nos, videlicet Froterius et Raimundus aut aliqua in perpetuum persona utriusque sexus nostrȩ prop[inquitatis, aut] nos et Guilelmus et Stefanus predicti, sive aliquis homo vel femina, hoc quod prescriptum est, disrumpere,
l.14 [commuta]re aut inquietare voluerimus aut voluerit, non hoc valeamus aut valeat perficere; set irȩ Dei omniumque sanctorum patrum excomunicationi subjacere se nisi resipuerit, sciat, hac ratione stabili semper manente.
l.15 [Facta] karta NONAS NOVEMBRIS anno ab incarnatione Domini MoLXoIIo, regnante PHILIPPO rege francorum, indicione [...], die dominico. Acta publice in capitulo SORISSINENSI in presentia monachorum ipsius loci.
l.16 [Ego] Froterius episcopus, et Raimundus nepos meus vicecomes, et Guillelmus, et Stefanus, hanc kartam scribere fecimus et firmamus. Raimundus Arnaldi firmavit, Poncius de Armassangs fir[mavit], Deusde Raimundi fir[mavit],
l.17 [Guilelmus] Belfilius fir[mavit], Gauzfredus Raimundi fir[mavit]. Bernardus monachus scripsit [unam cartam. Raimundus Psalmodiensis scripsit alteram].