Isoard, vicomte de Gap, Bertrand son frère, Pétronille son épouse et Dalmacia son aïeule, donnent à Saint-Victor de Marseille et à l'abbé Durand la moitié de la condamine qu'ils possèdent à Faucon, dans le comté d'Embrun. Isoard donne aussi le tiers d'un manse situé dans la villa Cadorgas.

l.1 [chrisme] In nomine Dei omnipotentis, Patris et Filii et Spiritus Sancti, et honore sanctȩ Mariȩ et sancti Victoris, et altaris quod est consecratum in confessione monaste-
l.2-rii Massiliensis, ego Isoardus vicecommes Guapincensis, et frater meus Bertrannus, et uxor mea nomine Petronilla, et avia mea,
l.3 domna Dalmacia, facimus donacionem de medietate nostre condamine, quam habemus, jure hereditario, in territorio de castello Falcone,
l.4 quod est situm in comutatu Ebredunense, supradicto monasterio, in manu Durandi, abbatis monasterii jamdicti, pro animabus nostris. Accipimus
l.5 autem de substantia sancti Victoris, a supradicto abbate Durando LXta solidatas. Et hoc tali tenore facimus ut monachi sancti Victoris, manen-
l.6-tes in cella sanctȩ Mariȩ de Jugornus, quam videlicet cellam sive villam pater meus Petrus vicecomes dedit sepe jamdicto monasterio, teneant et
l.7 possideant omni tempore, et orent pro nobis. Terminatur vero ipsa terra: ab oriente, rivo de Cumba Fera; ab hocidente, medietas de ipsa
l.8 condamina; a meridie, supradicto rivulo; ab aquilone, monte Solemiaco. Ego Isoardus hanc cartam scribere mandavi et manu
l.9 propria firmavi ac testes firmare rogavi. Facto donacio hȩc anno ab incarnacione Domini millesimo LXmoII, indicione XIIIIma,
l.10 e[pacta] Va, in Jugornis villa. Isoardus firmavit. Bertrannus firmavit. Dalmatia firmavit. Petronilla uxor Isoardi firmavit.
l.11 Ismido Broca et frater ejus Pontius firmaverunt. Petrus et Rodulfus, fratres firmaverunt. Petrus de Roffeto firmavit. Petrus de Venturol firmavit.
l.12 Pontius de Launanicus firmavit. Pontius Malfactus firmavit. Si quis vero hanc donationem inrrumpere temptaverit vel contraire
l.13 iram omnipotentis Dei et sanctorum omnium incurrat et maledictus [sit] insuper hac donacione in perpetuum stabili permanente.
l.14 Ego Petrus diaconus hanc cartam domno Isoardo m[a]ndante et Durando abbate dictante scripsit.
l.15 Ego Isoardus vicecommes supradictus, pro amore omnipotentis Dei et pro redemptione anime mȩȩ ac parentum meorum, facio donationem de omni
l.16 tercia parte unius mansi, qui est situs in territorio de villa Cadorgas, in loco qui nominatur Rutillagus, de omnibus ab integro rebus
l.17 que ad ipsum mansum pertinent cum ipsa tercia parte decimi, ad altare sanctȩ Mariȩ et sancti Victoris, quod est consecratum in monasterio Massiliensi, et abbati Durando
l.18 hac successoribus ejus et congregationi omni ejusdem monasterii, presenti et futurȩ, ut habeant et possideant in perpetuum, et pro nobis intercedant ad Dominum.
l.19 Facta donatio hȩc feria VIta anno quod supra in villa Jugornis. Igitur, si aliqua quecumque persona insurgere temptaverit contra hanc donationem,
l.20 non valeat implere quod male conatus fuerit, sed cogatur in vinculo solvere centum solidos optime monete Ottonis; insuper et omnibus Dei maledictionibus
l.21 subjaceat, hac donatione firma ac stabili perpȩtuo manente. Ego Isoardus suprascriptus hanc donationem manu propria firmavi et testes firmare
l.22 rogavi. Joannes et frater ejus firmaverunt. Petrus Bailidus et frater ejus firmaverunt. Rainaldus firmavit. Pontius presbiter et frater ejus firmaverunt.
l.23 Petrus de Rosseto firmavit. Ego Petrus suprascripto hanc cartam domno Isoardo mandante et Durando abbate dictante scripsit.