Fredulus de Barris et ses fils donnent à Saint-Victor de Marseille l'église Saint-Martin des Aires près de Meyrueis, au comté de Nîmes, avec son alleu c'est à dire cinq manses et le manse de Castaignet dans le Gévaudan au bord de la Mimente.

l.1 In sanctae et individuȩ Trinitatis nomine. Ego Fredulus de Barris, et filii mei Raimundus, Gualterius, Barnardus,
l.2 Guilielmus, Ademarus, Nicecius et Stephanus, audita Domini voce dicentis: Quicunque dederit calicem aquae frigidae tantum
l.3 in nomine discipuli : amen dico vobis, non perdet mercedem suam, pro animabus nostris et pro animabus parentum nostrorum, donamus
l.4 altari quod est consecratum in honore sanctȩ Mariȩ semper virginis sanctique Victoris martyris Christi, in monasterio Massiliensi,
l.5 et monahis ejusdem loci, tam presentibus quamque futuris, ȩcclesiam videlicet sancti Martini ad Airas, cum ipso alodio quod
l.6 pertinet ad ipsam ȩcclesiam, scilicet quinque mansis qui adjacent ei. Est autem ipsa ȩcclesia in territorio Neumosensi, juxta
l.7 castrum quod vocatur Mairossium. Donamus etiam mansum de Casteneto, quem accepimus in emenda pro Gausselmo, nostro caballario,
l.8 qui fuit occisus, ut ipsi monachi orent pro anima ejus et animarum nostrarum. Ego jamdictus Fredulus prescriptique filii mei
l.9 prenominatam ȩcclesiam sancti Martini, cum suis quinque mansis et cum ipso manso de Casteneto, qui est in territorio Gaballitano,
l.10 juxta fluvium Mimeltam, donavimus, sicut prescriptum est, altari prelibato sanctȩ Mariȩ et sancti Victoris monachisque monasterii
l.11 Massiliensis, qui modo ibi sunt et qui futuri sunt, ea videlicet ratione ut ipsi eadem habeant et in perpetuum possi-
l.12-deant, sine ulla inquietudine. Hanc autem donationis cartulam scribi precepimus et manibus nostris firmavimus,
l.13 et alios firmare rogavimus. Si quis vero hanc donationem annullare vel minorare temptaverit, non valeat
l.14 vendicare quod voluit, sed cogatur solvere jamdictis monachis LX auri purissimi libras; insuper damnetur in inferno
l.15 inferiore cum Juda traditore, nisi poenituerit digna satisfactione.
l.16 Acta est autem anno incarnationis domini nostri Jhesu Christi millesimo LVIII, indictione XI, epacta XXIII.