Arbaldus, frère d'Hugues évêque de Senez, et alii, restituent à Saint-Victor de Marseille les églises Sainte-Marie et Saint-Julien dans le territoire de Trigance, et l'église Saint-Maxime au territoire de Rougon, dans le comté de Riez, avec toutes leurs dépendances.

l.1 [chrisme] Omnipotentem Deum cum ineffabili dispositione constet mirabiliter cuncta condidisse, patet liquido humum homini tradidisse et in ea vel ex ea subsistentia quȩque. Quapropter, ego Ar-
l.2-baldus, cupiens terrenis cȩlestia comparare, cum consilio fratrum et nepotum meorum, sive aliorum Dei meique fidelium hominum plurimorum, fatio donationem eidem Dei omnipotenti ipsiusque
l.3 monasterio, non longe ab urbe Massilia, in honore domini nostri Jhesu Christi, ejusque genitricis seu sancti Victoris, gloriosi martyris, ejusque sociorum fundato, quȩ videlicet donatio sive redditio est
l.4 sita in territorio castelli et ville que vocatur Trigantia, et est in comitatu Regense. Dono igitur in primis ȩcclesias sanctȩ Mariȩ et sancti Juliani, cum omnibus quȩ ad easdem ȩcclesias pertinent,
l.5 scilicet terris, campis, vineis, pratis, et cum omnibus oblationibus sive primitiis, et omnibus omnino rebus, quȩ ad easdem ecclesias date et oblate sunt vel fuerint, cum terris ipsius podii, sicut
l.6 terminate sunt usque in rivum Agabronem. Dono etiam in eodem loco mansum unum obtimum, quȩm excoluit homo nomine Rifre, cum omni servitio et decimo et omnibus rebus
l.7 ad eundem mansum pertinentibus, set et decimum de ipsis terris, quas superius dedi, dono ab integro, consentiente fideli meo Pontio. Et ego Pontius Trigantia, cum uxore mea et filiis nostris,
l.8 dono medietatem de ipsa condamina, quȩ est ultra rivum Agabronem, contra ipsas ecclesias, cum ipso decimo, et unam semodiatam de vinea. Et ego Lanbertus unacum uxore mea et filiis nostris
l.9 similiter sicut Arbaldus, donamus quȩcumque in supradictas ȩcclesias habebamus, ab integro voluntario animo. Donamus etiam medietatem aliam de ipsa condamina, quam Pontius
l.10 Trigantia donat, cum ipso decimo quod ad nostram medietatem pertinet, et unam peciam de vinea.
l.11 Et ego Arbaldus qui supra, similiter cum consilio fratrum et nepotum meorum, et aliorum meorum fidelium, dono omnipotenti Deo ejusque monasterio, jam superius dicto, ȩcclesiam sancti
l.12 Maximi, quȩ est sita in comitatu Regense, in territorio villȩ sive castelli quod vocatur Rovagonus, cum terris sibi adjacentibus, usque in sumitatem montis, ad meridiem; ab ori-
l.13-ente vero, sicut sunt termini constituti usque in rupem, que est ad aquilonem adjacens ipsi ȩcclesiȩ; ab occidente vero, sicut est ipsa clusella. Et ego Pontius Fuscardus dono quicquid infra supradictos terminos
l.14 habeo vel habere debeo.
l.15 Igitur ego Arbaldus hȩc omnia, que superius dedi, et alii donatores, eo tenore damus, ut monachi supranominati monasterii sive abbates, futuri et presentes, omni tempore ad Deum pro nobis sint inter-
l.16-cessores, ut nostrorum mereamur consequi peccatorum veniam et sanctorum societatem in ȩterna gloria. Si quis ergo hanc donationem, ego aut alii donatores, aut aliqua umquam ȩcclesiastica vel secu-
l.17-laris persona, sive aliquis vel aliqua hȩredum aut successorum nostrorum, irrumpere vel inquietare voluerit, non valeat implere, sed cogatur in vinculo solvere auri obtimi libras X, et insuper, omnibus Dei
l.18 maledictionibus donatus, cum Juda Scarioht cumque Chaifan atque Pylato sepeliatur in inferno dampnatus. Amen, amen, amen. Ego Arbaldus hanc donationem manu propria firmavi et
l.19 testes firmare rogavi. Ugo episcopus Senecensis frater Arbaldi firmavit. Pontius Pulverellus frater ejus firmavit.
l.20 Ego Pontius Trigantia et uxor mea. Et ego Lanbertus et uxor mea.
l.21 Facta donatio hȩc anno incarnationis dominicȩ millesimo LVI, indicione VIIII, luna I, quinta feria. Hetherius monachus scripsit ad vicem Durandi monachi.