Foulques, fils de Boniface, donne à Saint-Victor de Marseille tout ce qu'il possède à Auriol, dans le château, la villa et ses dépendances.

l.1 [chrisme] Quoniam sub ea creati sumus conditione, ut jugi semper suspectione, nesciamus qua subitatione, vel quali transitione, subtracti mox ab hac pereregrinatione, transeamus
l.2 ad patriam aȩternamque mansionem, providendum nobis est, assidua preparatione, ut creatorem quem nostra offensione irritamus sine intermissione; hic placare valeamus de ipsa sua
l.3 datione, nostra quamvis modica oblatione, per aȩterna remuneratione, ut illic carere mereamur aȩterna confusione. Igitur ego Fulcho, filius Bonifacii, pro redemptione
l.4 animȩ meȩ parentumque meorum, facio elemosinariam donationem omnipotenti Deo et monasterio sancti Victoris martyris, Massiliensis, monachis quoque ejus ibidem Deo servientibus,
l.5 tam presentibus quam et futuris, de aliqua mea possessione, jure perpetuo, id est de [castro] Auriol et de ipsa villa et de omnibus apendiciis ejus, quantum ego habeo vel habere debeo,
l.6 aut alius per me, totum ab integro dono, trado atque transfundo, ita ut, ab hac die, habeat sanctus Victor et monachi ejus, tam presentes quam futuri, et libera potestate possideant,
l.7 et quicquid facere voluerint faciant. Ego vero frater Petrus, et monachi sancti Victoris donamus tibi, Fulcho, nostram fraternitatem et societatem, deprecantes Deum omnipotentem
l.8 ut det tibi partem omnium nostrorum bonorum factorum, quatinus, si quid boni agimus vel bene placitum sibi, tu partem habeas hic et in cȩlesti paradiso, prout voluerit ejus bona voluntas.
l.9 Immo constituimus et constituendo precipimus his qui tuum obitum visuri sunt, quatinus, omni tempore, vertente anno, celebrent tuum anniversarium diem, ut
l.10 unius abbatis, secundum quod homini competit tuo ordini, videlicet offerendo pro te panem et vinum, in celebratione generalis misse, pro remedio animȩ tuae.
l.11 Sane si quis hanc meam helemosinariam donationem contraire aut minuare temptaverit iram omnipotenti Dei incurrat et cum Juda traditore aȩterna dampnatione
l.12 eat in perdicionem, si non emendaverit cum satisfactione. Facta est hec donatio anno ab incarnatione Domini millesimo LIII, indicione VI, epacta XXVIII,
l.13 regnante Henricho rege.
l.14 Signum Fulco, qui hanc cartam scribere jussit, et testibus firmare rogavit. Pontius episcopus Massiliensis firmavit. Pontius archiepiscopus Aquensis fir[mavit].
l.15 Fulco vicecomes fir[mavit]. Odila uxor sua fir[mavit]. Gauzfredus fir[mavit]. Uxor sua fir[mavit]. Bertrannus fir[mavit].
l.16 Petrus frater suus fir[mavit]. Autrannus de Gardana fir[mavit]. Stephanus cannonicus fir[mavit]. Rostagnus de Villa Muris fir[mavit].
l.17 Bertranus Iterius fir[mavit]. Guiquirannus de Aquis fir[mavit]. Guiquirannus cannonicus fir[mavit].
l.18 [croix] Fulco firmavit. JOHANNES INDIGNUS HABITU scripsit.