Pierre III, archevêque d'Aix-en-Provence, à la demande de Foulques, prévôt du chapitre cathédral, confirme les donations faites au chapitre par ses prédécesseurs et par lui-même.

l.1 Anno incarnati Verbi millesimo CmoIII domno Petro archiepiscopo divina dispensatione Aquensem aecclesiam
l.2 gubernante ejusdem Aquensis ȩcclesiȩ et gloriosi SALVATORIS prepositus venerabilis Fulco cum canonicis sibi subjectis
l.3 ipsius domni Petri archiepiscopi presentiam adierunt multa prece et summa humilitate postulantes quatinus
l.4 quasdam ȩcclesias in Aquensi comitatu sitas quos post excessum domni Petri archiepiscopi antecessoris ejus
l.5 adquisierant Aquensi ȩcclesia adhuc pastore vacante isdem venerabilis Petrus laudando concederet et conceden-
l.6-do scriptis et testimoniis hujus paginȩ confirmaret. Insuper etiam summa prece ut diximus et precipua
l.7 humilitate postulaverunt quatenus ȩcclesias et honores canonicis beatȩ Mariȩ et gloriosi SALVATORIS ab ante-
l.8-cessoribus ejus concessas quas scilicet antecessor ejus Petrus concesserat et ab aliis concessas suis scriptis
l.9 confirmaverat, isdem venerabilis predictus Petrus hac serie corroboraret. Humillimis etiam postulationibus
l.10 postulaverint quatenus quartam partem decimarum et redituum omnium suarum ȩcclesiarum quam proprii juris
l.11 archiepiscopi secundum canonicam regulam non esse, non ignorabant eam quoque concederet et scripto altari beatȩ
l.12 MARIȨ et gloriosi SALVATORIS et canonicis Aquensis sedis confirmaret. Quorum peticionibus domnus
l.13 Petrus archiepiscopus misericorditer condescendit et quoniam justum fuit, fideliter annuit. Donavit quoque et
l.14 donando laudavit altari beatȩ Mariȩ et altari gloriosi Salvatoris et canonicis ibidem Deo servientibus,
l.15 aecclesiam sancti Johannis cum omnibus apendiciis suis et dotibus sitam in comitatu Aquensȩ in territorio
l.16 de castro Rubiantis. Simili etiam modo donavit ȩcclesiam parrochialem de castro Paracol et
l.17 ȩcclesiam beatȩ MARIȨ in territorio ejusdem castri positam cum omnibus apendiciis suis et dotibus
l.18 excepto synodali censu, donavit etiam ȩcclesiam sancti Martini de Gavarrone, ȩcclesiam etiam parro-
l.19-chialem sancti Michahelis de castro Brusa cum omnibus sibi pertinentibus excepto synodali censu.
l.20 Simili etiam modo donavit ȩcclesiam Sancti Martini in territorio de castro Rianz, ȩcclesiam etiam sancti
l.21 Martini de Lodena, et ȩcclesiam sanctȩ Mariȩ de Gariana cum omnibus sibi pertinentibus, et ȩcclesiam sanctȩ
l.22 MARIȨ parrochialem de castro Monte Justini, et ȩcclesiam sancti Romani secus ipsum castrum positam
l.23 cum ad easdem ȩcclesias pertinentibus, dedit quoque quartam partem de decimis vinearum quam adquisiverunt
l.24 a Bonifacio in castro Reliana, dedit etiam decimum dominicaturȩ comitis quam adquisiverunt ab ipso
l.25 comite, Ermengau et comitissa Adalais in Castro Pertuso. Preterea laudavit et confirmavit
l.26 omnes ȩcclesias illas et honores quas Petrus archiepiscopus antecessor ejus altari beatȩ MARIȨ
l.27 et gloriosi Salvatoris et canonicis scriptis donaverat et laudaverat. Super hȩc etiam donavit
l.28 et firmavit per hanc presentem paginam quartam partem decimarum et redituum que sui juris erat
l.29 omnium illarum ȩcclesiarum quas ab antecessore ejus adquisierant et istarum quas per hanc cartam donavit
l.30 et firmavit. Haec omnia que superius scripta sunt domnus Petrus archiepiscopus ȩcclesiȩ beatȩ Mariȩ
l.31 et altari gloriosi Salvatoris et canonicis laudando donavit et donando laudavit et perpetuo jure
l.32 tenenda sua auctoritate roboravit in omnibus et per omnia salva reverentia obedientia et fidelitate
l.33 sua et successorum suorum. Donavit etiam terciam partem mortalitatis totius episcopatus operibus sanctȩ Mariae
l.34 et sancti Salvatoris preter in illis ȩcclesiis quas in dominio suo retinere placuit.
l.35 Ego Petrus Aquensis archiepiscopus hanc cartam relationis vel donationis cum his omnibus que superius scripta
l.36 sunt ȩcclesiȩ beatȩ Mariȩ et altari gloriosi Salvatoris dono, laudo, corroboro.
l.37 Si quis autem hanc donationem vel confirmationem anullare vel irrumpere voluerit anathematis vinculo
l.38 obligetur, nisi secundo aut tercio monitus infra L dies satis fecerit.
l.39 Ego Petrus (A [croix] O) archiepiscopus firmavit. Fulco prepositus firmavit. Ugo archidiaconus, Gaufredus archipresbiter, Bermundus sacrista.
l.40 Norbertus, Petrus, Wilelmus, Ugo, Petrus Acus, Arnulfus, Giraldus, Poncius, Amalricus, Johannes, Wilelmus, Guido, Ods, Arbertus, Vilelmus.