Lambert, Austrudis son épouse, Guillaume, Foulques, Guillaume et Hugues leurs enfants, donnent l'église Notre-Dame de Crottons près de Vence et une terre alentour, à Saint-Victor de Marseille et à l'abbé Isarn.

l.1 [chrisme] Qui presenti prosperitate fruuntur summopere sibi providere debent ad quem finem possessa protendant, quin jacturam paciantur,
l.2 si forte contigerit non jure definiri quȩ sua nequeunt industria custodiri, [sed] eorum pocius quibus possidenda traduntur. Illi ȩtiam procul dubio ad servandum
l.3 comendanda puto terrestria, a quo his bene utamur pro talione nobis inpenduntur cȩ[le]stia. Certum est enim fidelibus ab omnipotenti Deo nobis necessaria donari
l.4 cui ex nobis datis nos convenit indesinenter ordinateque famulari. Hoc quippe prout [fa]cultas suppetit et cordi mihi velle inest ego Lanbertus, et uxor
l.5 mea Austrudis, et infantes nostri Wilelmus et Fulcho et Wilelmus et Ugo, cogitamus [quȩ] bona promittantur justis, quȩ minatur mala Dominus peccatoribus. Si ipsi omnipotenti
l.6 Deo placitum fuerit, donamus aliquid ex alode nostro domino Deo, qui nobis quȩ videmur [hab]ere concessit, et [ȩcc]lesia sanctȩ Dei genitricis virginis Mariȩ,
l.7 que appellatur Crotonis, sancti Victoris martiris et sociorum ejus [cen]obii quȩ situs est in commitatu Massiliense, in territorio civitate ipsius, et ad
l.8 domno abbate, nomine Ysarno, cum monachis ibidem Deo servientibus, tam presentibus quam [et] futuris temporibus, cujus studio hȩc facta est conscripcio. Et quia ipse Dominus dicit:
l.9 Date et dabitur vobis, et : Qua mensura mensi fueritis, eadem remicietur vobis; nolumus [au]re surdam transire, quin in aliquo maluerimus parere, ut meritam culpam sentire
l.10 mereamur indultam; ideoque hanc facimus alodis nostri pauperculam largitionem predictȩ coenobii ȩcclesiȩ in manu Ysarni abbatis predicti monasterii. Alodis namque illius fundus situs est
l.11 in commitatu Venciense, in territorio civitate ipsius, aecclesiam sanctȩ Dei genitricis virginis Mariȩ quȩ nuncupatur Crotonis, et terram in circuitu ejus, sicut terminata est. Interque
l.12 [consortes ex omnibus] partibus prenotandi : nam ex uno fronte, a septentrione, terra R[o]gerie[nc]os et vinea Atoni; ex uno latus, de oriente, rivo quȩ exiit de terra Rotg[eriencos
l.13 et demergit usque] in torrente, quȩ vocant Malvano; ex alio fronte, ex meridie, ad confinium vallonis, et ascendit in pogio super salam usque ad terminum territorio Cl[annatelli;
l.14 et, ex alio l]atus, de [oc]cidente, territor[io Torretas, sicut currit rivus ad imma usque in fluvium Lupi; vel si quis et alii sunt cons]ortes, [sicut] terminatum est ad exemplum [visum]
l.15 hominis. Inter istos denique terminos, quantum inibi visus [sum abere vel in presenti possidere, quod nobis ex] progenie parentorum nostrorum legaliter obvenit, totum hac integrum concedimus,
l.16 donamus, tradimus atque transfundimus, cum omnibus quibuscumque adjacenciis ibi adere[ntibus et cum omnibus illius] fundi possessionibus, Ysarno abbati et omnibus successoribus suis, cujus indus[tria]
l.17 hȩc facta est donatio ipsius monasterio; totum et ab integrum [quod ȩcclesiȩ] prenomina[tȩ omni temp]ore possideant, teneant vel habeant, per omnia futura tempora, absque termino.
l.18 Si quis igitur, undecumque adveniens, qualiscumque persona, propria vel extra[nea, spontanea vel su]brogata extiterit, volens hoc nostrum donum subvertere vel injuste adquirere,
l.19 contestamur eum ut nullo pacto possit perficere neque liceat adimplere, sed judic[iali convictus] sentencia, et vinculo mancipatus legis, in duplum componat illarum ecclesiarum
l.20 et servientibus ibi, quibus dampnum nisus est adtrectare; et insuper omnipotentis Dei i[ram et indig]nationem, et omnium sanctorum maledictionem, et Christianorum expulsionem et ecclesiarum
l.21 sequestrationem accipiat, et in inferno positus gemat, nisi pe[nitu]erit emendando; [et exinde] hȩc nostra donacio firmissimam in omnibus possideat stabilitatem omni
l.22 tempore. Acta est hȩc donatio elemosinaria ista anno ab incarnatione Domini [millesimo] XLII, indictione X, XVIII kalendas mai, regnante rege
l.23 regum omnium summo Deo Jhesu Christo, domino et salvatore nostro, cui et a quo per quemque com Pa[t]re Spirituve est omnis honor et gloria sine fine permanens.
l.24 Testis et signum Lanbertus et uxor sua Austrudis cum infantibus suis, qui scribi hoc ju[sserun]t et nomine proprio roboraverunt, [ma]nus illorum firma[verunt]. Amicus firmavit.
l.25 Petrus et Ugo firmaverunt. Amatus presbiter firm[avit]. Pontius et Rufinus firmaverunt. [Ada]lardus fir[mavit]. Adalbertus fir[mavit]. Ato fir[mavit]. Johannes fir[mavit]. Arnaldus fir[mavit].
l.26 Scriptor Poncius, tamen peccator et indignus.