Guillaume le Jeune, vicomte de Marseille, Adalgarde son épouse et ses fils, donnent trois manses situés à Calas, Figanières et La Motte-Lambert et un domaine nommé Crixonosam, à l'église Saint-Auxille que Gaucelm, évêque de Fréjus, soumet à Saint-Victor de Marseille.

l.1 Constat lege romana et jubetur auctoritate aecclesiastica ut si quis aliquid dare vel commutare voluerit, litteratim paginulis pro obfirmatione inseratur; antiquitus enim valebat datum nec tamen incartatum; modernis temporibus
l.2 obscriptionem facimus, cum aliquid donamus. Quapropter ego Wilelmus, qui vocor Juvenis, et uxor mea Adalargardis et filii mei donamus ad ȩcclesiam sancti Auxilii, de alode nostro qui nobis legibus obvenit, tres mansos: unum i[n] Calars, Constantini, alium in Figa Nigra
l.3 quem Arnaldus tenet, alterum in Mota Lamberti, sicut diximus, cum adfirmatione litterarum. Hos mansos donamus et cȩdimus ad jamdictam ȩcclesiam, quam domnus episcopus Gaucelmus donat in subjugatione monasterii Massiliensis sancti Victoris, martyris Christi.
l.4 Donamus cum campis et vineis, ortis, pratis, silvis, garicis, oglatis, fontibus aquarum, piscatoriis, domibus integris et dirutis, curtis et exigis. Adhuc autem, cum m[eis] heredibus, donamus ad supradictam ȩcclesiam unam contratam que vocatur Crixonosam. Sunt ipsi heredes:
l.5 domna Ingilsindis, cum filiis suis, Poncius de Bracio, Poncius Adalmannus, Inguisrannus. Ipsa matrona Inguilsindis, unum mansum in ipso loco Calars; Poncius et Silvester, unam modiatam de vinea; et ipse ego Willemus dono meum ortum dominicum. Et damus talem largitatem
l.6 de ipsa nostra terra, ut quantum potuerint rumpere, aut ipsi aratores aut aliquis per illos, omne sit ipsius jamdictȩ ȩcclesiȩ. Ademarus pro anima sua donavit unum campum prope ipsam ȩcclesiam. Damus hoc omnes supradicti pro amore Domini, pro redemptione animarum nostrarum,
l.7 pro incolomitate, pro salute reddimus nostra vota Deo. Sunt ipse res in comitatu Forojuliense, in castro nuncupato Calars.
l.8 Sane si quis, nos suprascripti aut alius quispiam, qui contra haec dona ire, irrumpere, calumniare voluerit, non valeat usurpare quod appetit, sed componat de auro optimo libras V, et insuper hȩ donationes firmȩ et stabiles permaneant omni tempore, pro omni firmitate,
l.9 cum stipulatione interposita. Nos supradicti donatores donamus et firmamus. Episcopus Jaucelmus firmavit. Lambertus Adalbertus fir[mat]. Petrus fir[mat]. Aldebertus fir[mat]. Ugo presbiter fir[mat]. Ricaus fir[mat]. Arnulfus gramaticus fir[mat].
l.10 Facta carta istarum donationum in mense octubrio, in ipso monasterio Massiliȩ, regnante Cona imperatore.
l.11 Stephanus scripsit.