Bencelinus, Gotholenis son épouse, Guillaume et Feraldus leurs enfants, donnent à Saint-Victor de Marseille les rives de la Durance au-dessous de Gontard [La Roque-d'Antheron] pour y construire un port.

l.1 In nomine [Domini et salvatoris] nostri Jhesu Christi, ego Bencelunus et uxor mea, nomine Gotholenis, filii quoque mei Wilelmus et Feraldus, atque heredes mei,
l.2 me vol[ente] et consenciente, quorum nomina sunt haec: Poncius, cognomine Helfantus, Raiambertus etiam filius Aurimundi, [Umbertus, necne et] frater ejus
l.3 Ri[caudus], filii [Teodorici]; Aicardus quoque et frater ejus, seu mater eorum, consenciente seniore suo Wilelmo, pro redemptione animarum [nostrarum parentumque nostrorum], et ut Deus
l.4 faciat nobis misericordiam, [et] hic et in futuro seculo, donamus ipsum portum et ipsam ripam de Durentia, in ipso loco vel sub ipso castro quod vocatur Gontardus, [omnipo]tenti Deo
l.5 et s[ancto Victori, martyri] Massiliensi, monachis quoque ejus, tam presentibus quam futuris, ad proprium alodem jure perpetuo; et quicquid de tota ipsa ripa vel de ipso
l.6 portu ad usus hominum pertinere videtur, totum ab integro, sine ulla intermissione, omnes nos supradicti donatores omnipotenti Deo et sancti Victori, ejus martyri,
l.7 donamus atque transfundimus jure perpetuo pro salute nostra parentumque nostrorum et ut Deus omnipotens faciat nobis misericordiam suam et in isto seculo [et in futuro]. Sane
l.8 si quis [aut nos aut] ulla persona hanc donationem [v]olue[rit] contrastare vel disturbare aut in aliquo minuere, ira Dei sit super eum [et extra-
l.9-neus sit a regno Dei], nisi cito emendave[runt]. Nos supradicti donatores omnes propriis manibus firmavimus et testes firmar[e]
l.10 rogavimus. [Signum] Wilelmus, Amalricus firm[averunt]. Adalus firm[avit]. Dalmacius firm[avit].
l.11 R[odulfus] firm[avit]. Wilelmus presbiter firm[avit]. Poncius Verdis firm[avit].
l.12 Facta donatio hac anno incarnationis d[ominice] millesimo XXXVII, regnante Cono imperatore.
l.13 [Ermembaldus scripsit] mandantibus supradictis donatoribus.

1