Aldarius, Aluis, son épouse et leurs fils, donnent à Saint-Victor de Marseille deux mas et une cabannaria à Saint-Savournin, dans le territoire d'Auriol, au comté d'Aix.

l.1 Dei omnipotentis opitulante clementia ejusque benignissima inspirante gratia, qui mortem non vult peccatorum sed vitam
l.2 dum prophetam suum misericorditer pollicetur dicens : Vivo ego dicit Dominus, nolo mortem peccatoris, sed ut convertatur et vivat,
l.3 ego Aldierius et uxor mea, nomine Aluis, filii etiam mei, de animarum nostrarum salute solliciti
l.4 et immanitatem scelerum nostrorum pertimescentes, ut a pio Domino veniam peccaminum, et ablucionem possimus consequi criminum, et ut
l.5 pro terrenis caelestia adquirere valeamus, donamus eidem omnipotenti Deo, et sancto martyri Victori, ejusque monasterio, apud Massiliam
l.6 fundato, et abbatibus ac monachis, ibidem Deo famulantibus futuris ac presentibus, duos mansos et unam cabannariam, in comitatu
l.7 Aquense, in villa Sancti Saturnini, quȩ est sita in territorio castri quod dicunt Auriol. Unum mansum excoluit homo
l.8 nomine Theodoricus; alium excoluit homo nomine Raiambertus; cabannariam vero excolit nunc Johannes, cum sua matre.
l.9 Hȩc omnia obvenit nobis ex projenie parentum uxoris meȩ prescriptȩ, et offerimus Deo ab integro, cum terris, cultis
l.10 et incultis, vineis, pratis, pascuis, garricis, montibus, planis, aquis, aquarumve decursibus, arboribus pomiferis, et in-
l.11-pomiferis, ut ab hac die sine alicujus hominis interpellacione teneant et possideant monachi, et pro peccatis nostris assidui
l.12 intercessores existant. Si vero aliquis homo heredum nostrorum contra hanc donacionem nostram venire temptaverit, et ir-
l.13-ritam eam facere voluerit, iram omnipotentis Dei ac sanctorum ejus incurrat, et auri optimi libras Xcem persolvat.
l.14 Facta hȩc donacio anno incarnacionis dominicȩ millesimo XXXVI, regnante eodem ipso domino nostro Jhesu Christo in eternum.
l.15 Auctor et testis hujus donacionis, Aldierius et uxor sua Aluis, qui hoc scribi jusserunt et manibus suis firmaverunt.
l.16 Raiambaldus archiepiscopus fir[mavit]. Volvoradus de Arelato fir[mavit]. Guiquirannus Sancti Marcelli fir[mavit]. Iterius fir[mavit].
l.17 Aicardus Iso firm[avit]. Moirannus fir[mavit]. Poncius Puto fir[mavit].

1