Franco donne à Saint-Victor de Marseille et à l'abbé Isarn, la moitié de Roquebrune-sur-Argens et un mas au territoire de Salette.

l.1 [chrisme] Omnipotens factor omnium Deus homini largiri dignatus est gratanter quod eidem, pro sui suorumque salute debeat impertiri libenter. Quapropter ego in Dei nomine Franco,
l.2 meorum territus immanitate scelerum, premiorum etiam tactus amore ȩternorum, dono aliquid meȩ hereditatis, quod michi obvenit jure hereditario patris, omnipotenti Domino,
l.3 almique Victoris martyris sociorumque ejus monasterio, non longe ab urbe Massilia fundato, scilicet medietatem villȩ quȩ dicitur Burnus, quȩ sita est in comitatu Forojuliensȩ,
l.4 super fluvium Argentium, cum omni integritate, cum ipsa ecclesia ipsiusque presbiteratus medietate. Igitur ego Franco omnipotenti Domino ac supradicto monasterio necnon et abbati
l.5 ISARNO omnibusque monachis eodem monasterio Christo Domino servientibus, presentibus et futuris, dono medietatem jam supradictȩ villȩ, cum omnibus omnino rebus quȩ ad eandem villam
l.6 pertinere videntur, campis videlicet, vineis, ortis, pratis, pascuis, piscationibus, garricis, montibus, uglatis, silvis, arboribus pomiferis et impomferis, aquis aquarumve
l.7 decursibus, accessisque omnibus cumque introitu et exitu suo absque ulla diminutione, et servi Dei omni tempore teneant et possideant, ac pro peccatis meis nimus apud
l.8 dominum intercessores existant. Dono etiam insuper in villa quȩ dicitur Saleta, unum mansum optimum, de melioribus unum, quem excolit homo Bonaldus;
l.9 que etiam villa sita est in comitatu Forojuliense. Itaque dono ipsum mansum Deo omnipotenti sanctoque Victori gloriossissimo martyri, ejusque monasterio, necne Deo ibidem servientibus
l.10 monachis, presentibus ac futuris, ut auxilio eorum precum veniam merear meorum pec[cam]inum.
l.11 Ergo si quis, ego aut aliquis parentum vel extraneorum, irrumpere temptaverit hoc donum, nequeat implere quod conatur injuste; cogatur tamen pro conatu iniquo solvere
l.12 libras X de optimo auro; insuper etiam, hac donatione firma stabilique in perpetuum manente, ipse omnipotentis Dei sanctorumque omnium iram incurrat, atque, a cȩtu sanctorum alienus,
l.13 cum Juda Scarioht pereat in inferno damnatus. Facta donatio hȩc anno incarnationis dominicȩ millesimo XXXVI, indicione VI, regnante domino nostro Jhesu Christo.
l.14 Ego Franco hanc donationem scribere rogavi et manu propria firmavi, ac testes firmare rogavi. [colonne1] Franco fir[mavit]. Rainerius fir[mavit]. Saramanus fir[mavit]. Poncius fir[mavit]. [colonne2] Similiter ego Franco filius dare laudo et dono et reddo quartam partem ville Burnis cum omnia que ad partem quartam pertinet. Willelmus Aldebertus firmat. Prepositus Forojuliensis Amalricus firmat. [colonne3] Fulco fir[mavit]. Rainoardus fir[mavit]. Barnaras fir[mavit]. Aicardus fir[mavit]. [colonne4] Poncius fir[mavit]. Durandus vicarius fir[mavit]. Arnaldus presbiter firmavit. Wido presbiter firmavit. Delporeto et Bertrannus fir[mant]. Truanus de Purs fir[mavit]. Willelmus Garcis.
l.22 [monogramme] DURANNUS monachus scripsit Isarno abbate jubente et Francone rogante.
l.25 Guillelmus Petrus de Gorda firmat. Orgo de Rocha Bruna firmat. Fulco de Mels fir[mat]. Petrus, Bertrannus et Willelmus fratres ejus fir[mant]. Crispinus de Brau fir[mat].