Renaud, Pons et Nevelongus, ses fils, Odile, son épouse, et leurs fils, donnent à Saint-Victor de Marseille un alleu situé à Saint-Médard, dans la vallée de Garéoult [aujourdhui La Roquebrussane], dans le comté d'Aix[-en-Provence].

l.1 Divina inspirante clementia et ejus benignissima opitulante sufragia, que non vult mortem peccatorum nec letatur in perdicione impiorum cujusque bonitas eo usque precellit ut omnes homines velit salv[ari] et in-
l.2-tra sinum beatitudinis suae foveri et que per prophetam suum misericorditer pollicetur dicens: Vivo ego, dicit Dominus, nolo mortem peccatoris, sed magis ut convertatur et vivat. Ego Rainaldus et filiis meis Pontius et Nevolongus
l.3 et uxor mea Odila et filiis nostris, de salute animarum nostrarum solliciti, et immanitatem scelerum nostrorum pertimescentes, ut a pio Domino veniam peccaminum et ablutionem possimus consequi criminum, volumus de eo
l.4 ipso quod ille nobis in meritis contulit aliquid sibi conferri, dicente ipso: Date elemosinam et ecce omnia munda sunt vobis, quod sicut aqua extinguit ignem, ita elemosinam extinguit peccatum; et iterum: Thesauri-
l.5-zate vobis thesauros in cȩlo, ubi neque erugo, neque tinea demolitur, et ubi fures non effodiunt nec furantur. Itemque: Facite vobis amicos de mamona iniquitatis ut, cum defeceritis, recipiant vos in
l.6 eterna tabernacula.Haec igitur et multa alia considerantes, et in futurum nobis prospicientes, per scripture hujus auctoritatem facimus donationem omnipotenti Domino et sancto Victori, suo martiri, ejusque monasterio, haud
l.7 procul a civitate Massilia fundato, et abatibus ac monachis perpetim inibi militantibus, de alode nostro quem habemus in comutatu Aquense, in valle que vocatur Guarildis, in territorio ville Sancti Medardi, id est
l.8 duos mansos cum apendiciis eorum, scilicet, unum quem excoluit Loterius presbiter, alium quem excoluit Durandus [Comp]ositus, quem tenebat Nortaldus, fidelis meus, ministralis Bruniolȩ, et, ipso rogante vel consiliante, donamus atque cedimus,
l.9 ut ipse particeps sit et filii ejus uxorve nobiscum in elemosinam quam facimus supradicti sancti, et meam partem [ȩcclesiȩ sanctȩ] Mariae, cum hoc quod Nortaldus tenebat de presbiteratu; donamusque ipsos mansos jam supra-
l.10-dictos cum campis cultis et incultis, vineis, pratis, pascuis, silvis, garricis, aquis aquarumve decursibus. Habent igitur istos mansos consortes.
l.11 Haec omnia supradicta sine ulla diminutione donamus supradicto monasterio, ut ab hac die abas et monachi ejusdem monasterii, sine ulla
l.12 interpellatione teneant et posideant, et quecumque facere voluerint liberam potestatem habeant. Si vero evenerit, quod absit, ut ex nobis aut ex heredibus nostris aliquis hanc donationem quam pro animarum nostrarum redemptione
l.13 omnipotenti Domino offerimus divellere conetur, istud facere nequeat, sed cogatur in vinculo exsolvere auri obtimi libras X et denuo scriptura ista inconvulsa permaneat. Facta donatio ista anno incarnationis dominicȩ millesimo
l.14 XXXmo IIItio, inditione, regnante rege Alamandorum seu Proventiȩ. Ego Rainaldus cum filiis meis et uxor mea Odila hanc donationem firmavimus, et testibus subter adnexis firmare rogavimus.
l.15 Nevolongus, filius Rainaldi, firmavit. Bernardus presbiter firmavit. Wadus presbiter firmavit. Dado firmavit. Isnardus Teuberti firmavit. Pontius Bermundus firmavit. Isnardus Merlus firmavit.
l.16 Nortaldus firmavit. Poncius Coxardus firmavit. Aldus firmavit. Poncius Ingilvino firmavit.
l.17 Wadaldus presbiter hanc cartam rogantibus prescriptis donatoribus scripsit.