Goncelinus donne à l'abbaye Saint-Victor de Marseille la quatrième partie de la villa de Trigance, dans le comté de Riez.

l.1 [chrisme] Omnipotens factor cunctorum Deus mortalibus largiri dignatus est gratanter quod eidem, pro sui suorumque salute, debeat impertiri libenter. Igitur ego Goncelenus, meorum territus immanitate scelerum, premiorum etiam
l.2 tactus amore aeternorum, dono aliquid meae hereditatis, quae mihi obvenit jure hereditario, monasterio martyris sanctissimi Victoris, haut longe fundato a muris Massiliensis civitatis, ibidemque
l.3 Christo famulantibus monachis, quartam scilicet partem villae Triganciȩ, in comitatu Regense, eademque ratione ut quicquid mei videtur esse juris, in campis, vineis, pratis, pascuis, garricis, montibus,
l.4 arboribus pomiferis seu et impomiferis, aquis eorumve decursibus, molendinis accessisque omnibus, cumque introitu vel exitu suo, vel quicquid est quod eidem villae pertinere videtur, in omnibus quartam
l.5 partem trado predicto coenobio, ut servi Dei eodem commorantes apud judicem Deum, pro meorum abolicione peccaminum genitorumque meorum perpetuo sint intercessores.
l.6 Sane si quis, ego, aut aliquis meorum parentum vel quȩcumque obposita persona hanc donationem inquietare temptaverit, omnicreantis Dei caelestiumque omnium virtutum et beatarum agminum ultricem iram in-
l.7-currat, et cum Datan et Abiron, atque cum Simone Mago, ac Juda Scarioth, ignis perpetui poenis crucietur et a liminibus sanctae matris aecclesiae et ab omni catholico populo alienus excommunicatus et anatema procul abiciatur.
l.8 Ego Goncelenus, auctor hujus donationis, hanc inscriptione fieri jussit et manu mea roboratam testibus firmare rogavit. Facta donatio hȩc anno incarnationis dominicȩ millesimo XXXI, indicione
l.9 quartadecima, regnante Rodulfo, rege Alamannorum sive Provinciae. Signum Mattildis firmavit. Dodonus, filius ejus, firmavit. Adalgarda firmavit.
l.10 Ugo et Aldebertus, fratres hujus donatoris, firmaverunt. Odo firmavit. Carbonellus firmavit. Amicus, frater ejus, firmavit. Dodonus firmavit.
l.11 Martinus scribsit.