Henri IV, roi, à la prière de Thierry, évêque de Verdun, et avec le consentement du comte Godefroi, confirme à l'église de La Madeleine de Verdun la possession de Dieuze.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA REX.
l.2 Notum sit omnibus Christi nostrique fidelibus tam futuris quam presentibus, qualiter per interventum et petitionem fidelis nostri domni Theoderici Virdunensis episcopi Duosam Curtem monasterio Sanctae Mariae Magdalenae Virduni
l.3 sito, consensu et favore comitis Godefridi, de cujus beneficio erat, concessimus et perpetuo possidendam regali auctoritate firmavimus. Ipse quidem comes Godefridus genitori meo Heinrico augusto
l.4 quasdam ob causas obnoxius, diversis diversa illi obicientibus, et de incendiis aliisque injuriis acrius adversus illum insurgentibus, omnibus lege satisfacere imperiali sententia ammonitus, cum non
l.5 adesset copia satisfaciendi nec virtus, seniori suo Virdunensi episcopo sese cum lacrimis obtulit, et ut Duosam, quam de ipso tenebat, sibi reddi pateretur, fletibus, quibus maxime poterat,
l.6 exoravit, eo tenore ut gratiam imperatoris sibi readquireret et de suo pecunias solveret, quibus acclamatoribus satisfieri potuisset. Casu invitatus a genitore meo ibi supra notati
l.7 monasterii pater Ermenfridus nomine aderat, quem senior suus supramemoratus episcopus aggressus est, ut sui vice locum intercessoris expleret et solvendo de rebus aecclesiae pecuniam bonum
l.8 illud aecclesiae suȩ compararet. Senior ille magna Dei misericordia fisus et domini sui multo hortamine et benivolentia roboratus tam difficile opus aggresus imperatoris clementiam
l.9 adiit et veniam commissi et gratiam augusti, dimissis sexcentis argenti marchiis, quae ab eo exigebantur, pleniter impetravit. Deinde conversus ad clamatores, cum quibus negocium erat, sexaginta
l.10 libras argenteae monetae illis persolvit et supradictum comitem illis pacificavit. Sic ordine compositione peracta ipse comes in presentia imperatoris asstantibus totius curiae senatoribus seniori suo
l.11 Virdunensi episcopo Duosam Curtem cum puteo salinario et mercato et cum omnibus appendiciis reddidit, et ipse episcopus de manu in manum ipsam imperatori restituit, et sic imperator faciendi pro libitu de ipsa re
l.12 potestatem nactus ad monasterium Sanctae Mariae Magdalenae ipsam tradidit et precepti sui scripto roboravit, ut fratres inibi Deo servientes ejus boni reditibus amodo sustententur et ad suos
l.13 usus liberam habeant deinceps potestatem. Post obitum genitoris mei predictus pater Ermenfridus alodium FUORBAC ab abbate et fratribus Sancti Vitoni concambiatum ipsi comiti addidit et predium Lineyum cum alio
l.14 predio apud Betthelonis Villam sito pro illo dedit, ut deinceps neque comes neque successor ejus justam habeant querimoniam adversus ipsam aecclesiam, cum ex uno pene infinita pecunia data sit pro illo
l.15 ex rebus aecclesiae et ex altero fundus non modici questus illi sit attributus ipso prius in presentia genitoris mei, nostraque coram cunctis nostris fidelibus annuente, et nostrae confirmationis sententiam sponte
l.16 adjudicante. Haec ergo confirmatio ut firma et inconvulsa omni permaneat aevo, hanc cartam scribi manuque propria, ut subtus cernitur, corroborantes sigilli nostri impressione jussimus insigniri.
l.17 SIGNUM DOMNI HEINRICI QUARTI REGIS. [monogramme].
l.18 FRIDERICUS CANCELLARIUS VICE SIGIFRIDI ARCHICANCELLARII RECOGNOVI [sceau].
l.19 Data est anno dominicae incarnationis MXLII, indictione XV, II idus octobris, anno autem ordinationis domni Heinrici quarti regis VIII, regni vero VI. Actum Seligenstad. In Dei nomine, feliciter. AMEN.