Pierre Almeradus, Gérard et Bernard, ses frères, vendent aux moines de Sainte-Enimie leur villa, située en Gévaudan et appelé Mansus Aldebaldus.

l.1 Cum semper soli Deo sit proprium bona agere, atque omnibus in se sperantibus semper utilia prestet, cogitare placuit sibi aliquando, ut ideo munum conveniremus, ego Petrus Almeradus, et fratres mei Geradus,
l.2 atque Bernardus cum domino Willelmo abbate Carmiliensis, seu cum monachis monasterii Burlatis, ut ex nostra possessione illis aliquit vendere deberemus. Est autem possesio ipsa in pago Gab-
l.3-ballitano, villa quae antiquitus vocatur mansus Aldebaldus, et ipsa villa in duobus mansis dividitur, cum suis apendariis. Succedit enim nobis ex jure parentorum, non ex aliquo conquestu vel
l.4 adquisitu. Est enim sicut et alia nostra possessio hec villa divisa, ita ut unus mansus mihi Petro contingat, alius supradictis fratribus meis similiter et apendarie. Census autem qui nobis ex supradicta
l.5 villa jure debetur, sicut nos veraciter cire possumus, hic designetur, utrique enim mansi uno modo censum nobis persolvunt: scilicet singuli IIos porcos, I valentem V sol., alterum valentem [III] sol.,
l.6 simili modo singuli mansi II multones, eo modo mansi ambo III s. de civata qui vocantur censales, et duos de marescalcia, et II s. ordei, et I s. de lenticulis, et casei singuli,
l.7 et si cabanne ibi fuerint, alii II de polveradge. Hanc supradictam villam donamus nos secundum carnem fratres Petrus, Geraldus atque Bernardus Deo et Sancte MARIE et SANCTE CRUCI, in eorum
l.8 honore dedicata est aecclesia monasterii Burlatensis, in qua etiam corpus beatissime Enimie continetur, ad alodem seu monachis in ipso monasterio Deo servientibus presentibus atque futuris
l.9 nichil ibi quicquam retinentes, haccipientes hunc precium: mulum I candidum bene valentem CC solidos, cisos II argenteos omnino valentes CC solidos sicut ipsi apreciare decrevim[us]
l.10 simullet XXX solidos ex denariis. Facimus autem hanc donacionem absque ulla dissimulacione gratioso animo et spontanea volumptate, ut [ex]inde vestro deputentur juri, mansi et apen-
l.11-darie, montes et campi, ligna et saxa, erbe et aque, omne quod excoli potest, et quod excoli non potest, in longitudine et latitudine [...]rotundo, absque ulla fallacia, consenci-
l.12-entibus atque volentibus Petro Bermundo, et Bernardo fratre suo, consobrinis nostris. Facta est hec carta MENSE JULIO, V FERIA, LUNA I, ANNO
l.13 AB INCARNACIONE DOMINI NOSTRI JHESU CHRISTI MILLESIMO LXXmo VIIII, INDICCIONE II, REGNANTE
l.14 FILIPO REGE. S. PETRI ALMERADI. S. GERALDI. S. BERNARDI. S. FREDOLONI DE MAIROXO.
l.15 S. UGONI. S. GAUZFREDI. S. AELDEBERTI EPISCOPI. Ego Aeldebertus Mimatensis episcopus licet pecator tamen legitime ordinatus.