Donation d' Artaud, évêque de Saint-Jean-de-Maurienne, aux chanoines de la cathédrale.

l.1 [chrisme] [croix] In nomine sanctȩ et individuȩ Trinitatis. Ego Arta[ld]us vocatus episcopus Mauriennensis ȩcclesiȩ, notum esse volo omnibus hominibus
l.2 presentibus et futuris, quod in adventu et ingressu meo canonicos ejusdem ȩcclesiȩ ad ordinem ecclesiasticum tenere, et divinum
l.3 officium honeste et communiter ut decet peragere, pauperes et minus sus[cip]ientes reperi, et pene omnibus rebus ad hȩc necessariis, denudatos
l.4 inveni. Qua de causa compatiens illorum utpote filiorum inopiȩ et paupertate, ex his quȩ mei predecessores in eade ȩcclesia sua dicione
l.5 et proprio usu tenuerunt, et quȩ modo meo jure et dominio habentur, per [consilium] et consensum, nobilium et illustrium virorum, Dei videlicet nostreque jamdicte ecclesiȩ
l.6 et mei fidelium, dono et concedo et penitus transfundo, ob amorem et honorem scilicet Dei ac domini nostri Jhesu Christi, sancteque genitricis Mariȩ
l.7 beatique Johannis Baptistȩ, ad quorum memoriam, et honorem hȩc ipsa ȩcclesia fundata et consecrata firmiter habetur. Ipsȩ enim res, heȩ sunt:
l.8 Oblationes omnes pȩnitus quȩ in eisdem ȩcclesiis deinceps offerentur, sive quȩ a presbiteris manibus accipientur, siveque altaribus vel quocumque loco
l.9 imponentur, in omni penitus re sive insensibilis, sive sensibilis, quȩ in templum Dei afferri vel adduci ad offerendum Deo debet et potest.
l.10 Eodem modo, et molendinum quod habetur in rivulo qui vocatur Arva, cum toto littore, juxta ripam fluminis, quod dicitur Arcus. Hec itaque omnia tali convenientia
l.11 et tenore dono, concedo, transfundo canonicis sepedictȩ matris ȩcclesiȩ Mauriennensis, et presentibus et futuris, ut in perpetuum habeant,
l.12 et possideant, ut inter se dividant per singulos neque disperciant, sed simul et communiter in una domo et in refectorio et in ȩcclesia ea usitent, et
l.13 officium divinum liberius et libentius et studiosius simul celebrent, et domini alacri corde benedicant et laudent, et omnibus fidelibus vivis seu
l.14 defunctis, et maxime pernotis et domesticis et omnibus benefactoribus nostris, misericordem domini semper exorent. Deprecor autem successores
l.15 meos ecclesiȩ scilicet Mauriennensis futuros episcopos, per misericordiam et karitatem Dei, ut sicut ipsi sua inconvulsa voluerit permanere statuta
l.16 et donaria sic ista nostram, pro se et pro nobis ad honorem Dei et sanctȩ ac perpetuȩ virginis, sanctique Baptistȩ Johannis, studeant tenere firma atque
l.17 stabilita. Quod SI QUOD ABSIT, aliquis episcoporum vel clericorum aut laicorum, aut aliqua femina seu qualiscumque hanc donationem
l.18 vel concessionem a me factam, infringere aut dissipare voluerit, non valeat vendicare quod injuste temptaverunt, sed excommunicatus a Deo
l.19 sanctaque Dei genitricȩ Maria, beatoque Johanne Baptiste, cum Juda Domini venditore et traditore, et cum eis qui dixerunt : Hereditate possideamus sanctuarium Dei
l.20 nisi resipuerit, pereat, et in inferno ȩternam penam luat.
l.21 Canonici autem qui tunc temporis in eadem ecclesia erant, et quibus hȩc donatio et concessio facta est, isti sunt Fulco prepositus, Johannes filius
l.22 Coronis, C. Aemarius, C. Valterius Riferius, C. Guilelmus de Dia, Nicolaus, Milo, Albricus.
l.23 Testes Ricardus, [E...], Beroardus, Petrus, Ugo, Cono, Giraius, Johannes et Johannes, Willelmus
l.24 Vitfredus, Nantelmus, Bernardus, [Warnerius], Aymo.