Guigues, comte, confirme plusieurs échanges entre le monastère de Chalais et ses voisins.

l.1 In nomine Domini, ego Vuigo comes et uxor mea nomine Mahiot communi consilio retinuimus heremitas de transacu qui omnia sua
l.2 vendiderant, et volebant ire propter pacem quam non habebant de vicinis suis. Et ego mandavi eis per Guillelmum de Briencum et per Petrum Randan,
l.3 et multum precatus sum pro amore Dei ut haberent misericordiam de me et non moverent se de terra mea, quia ego facerem eis pacem de omnibus quȩcumque
l.4 vellent. Et cum respondissent se non posse remanere quia annonam suam et omnia vendiderant, dixerunt nuncii quod ego jurabam de illis hominibus
l.5 per quorum irritationes ire volebant, me facturum talem vindictam quod si invenirentur in illa terra de que heremitȩ recedebant, pedes vel pugnos
l.6 sive oculos perderent, et numquam in terra sua hereditarent. Propter tanta mala quȩ audierunt, consenserunt fratres illi ut ego irem in Cartusiam, et sicut
l.7 boni homines illi laudarent, isti facerent. Ego eram infirmus et non potui ire, sed transmisi Vuigonem, Chalnes et Petrum Randan qui audirent
l.8 quid isti quererent, et quid Cartusienses laudarent. Isti quesierunt pacem de vicinis suis ut nullus homo cederet silvam eorum, neque transiret per
l.9 terram illorum, neque bestia aliqua pasceret per pascua eorum. Hoc totum promisi me facturum, et transmisi uxorem meam ad monasterium sancti Desiderii
l.10 quȩ fecit homines suos venire, et quicquid excambiendum erat excambiavit,. Aimo de Monte Jelato fuit de illis, Aroldus Rocho,
l.11 Terracenses. Omnibus istis excambiavit sicut voluerunt. Ex alia parte Johannes de Podio excambiavit nepotibus suis Humberto et Ber-
l.12-nardo fraternitatem suam, et insuper dedit eis prata et silvam de roboribus desubter domo sua, et aliam terram quȩ non erat de hereditate eorum.
l.13 Et hoc ideo fecit ut facerent servitium potestati, pro terram quam dabat heremitis. Hanc donationem laudavi ego cum uxore mea
l.14 et filiis, et hoc promitto quod in perpetuum tenebo, et volo ut sicut ego promisi pacem heremitis cum eos retinui, ita succes-
l.15-sores mei teneant.