Sanche, comte de Gascogne, accorde au chapitre cathédral de Bordeaux le tiers des revenus de la monnaie, le tiers des tonlieux, le domaine de Lège et le tiers du tonlieu de Bois.

l.1 [chrisme] CUM divinȩ misericordiȩ largitas ad humanos usus sine intermissione non desistat operari ac benignus conditor rerum
l.2 suȩ divinitatis residens solio ita humanȩ utilitati cuncta suis modis suisque temporibus distribuat necessaria in omnibus sufficiens
l.3 nullius prorsus sit indiga tanto humane fragilitati erga conditorem suum studio dilectionis ac timoris competens esset inardescere ut
l.4 ab eo numquam obtutum cordis deflecteret eique non desisteret laudis officia ac graciarum actiones inpendere cujus beneficiis se nov[erit] nullo
l.5 modo comparabilem vicem posse persolverȩ. SED humani generis perversum ingenium ita proclive est ad vicia ut fides et justiciae
l.6 sint quasi somnia cultusque christiani nominis omnisque religio jam in tantum quasi quodam confecta sint senio, ut id quod vel subsistimus magis
l.7 nobis ex munere divinȩ provenit clȩmentiȩ quam ex ullo merito subjectȩ creaturȩ. His igitur ita se habentibus si quorum mentes
l.8 divina dignetur inspirare clementia his summopere est resistendum contra hec omnia quatenus lapsum sanctȩ Dei ecclesiȩ firma innitantur
l.9 sustinere cervice eique tot modis secundum posse aut conditionem videlicet singulorum studeant succurrere quot
l.10 modis ejus lapsum sive in penuria Verbi Dei aut in indigentia clericorum seu in ruina ȩdificiorum jam pro dolor conspici-
l.11-unt inminere quibus tanto laboriosius ac obnixius oportebit inniti quanto se in his talibus pauciorum virorum conspicient
l.12 subsidio fulciri. Sed ipse sit solus solamen tantorum laborum qui novit persolvere incomparabile retributionem celestium premiorum.
l.13 Quapropter EGO SANCIUS Vuasconicȩ ac Burdegalensis provinciȩ Dei omnipotentis nutu atque hereditario jure parentum meorum
l.14 comes et dominus pro statu incolomitatis nostrȩ seu redemptione animȩ meȩ vel parentum meorum, sanctȩ Dei BURDEGALENSIS ecclesiȩ in ho-
l.15-nore beatissimi ANDREȨ apostoli dedicatȩ, quam ab antiquis regibus KAROLO videlicet ac Lodoico seu Pipino ceterisque summa venera-
l.16-tione quondam habitam omnibusque bonis potenter ditatam agnovimus sed nunc peccatis nostris exigentibus miserabiliter dilapsam videmus, terciam partem nostrȩ
l.17 kamerȩ seu monetȩ sive etiam omnium toloneorum ac curtem Legiam cum omnibus pertinentibus et terciam partem tolonei de Bois ad restaurationem
l.18 ȩdificiorum seu postmodum ad mensam canonicorum tradimus atque perpetuo jure donamus, et ut hoc jugiter inviolabile permaneat, hanc cartam
l.19 donationis perpeti testimonio conservandam sub testimonio subscriptorum illustrium virorum scribi mandavimus.
l.20 Actum in manu DOMNI GOTEFREDI ejusdem ecclesiȩ VENERABILIS episcopi
l.21 Akelmus de Blancafort affuit et vidit, Petrus de Jo similiter, Ibles kamerarius similiter, Amaneus de [...] similiter.