Pierre, clerc, donne à l'église cathédrale de Clermont, l'église Saint-Julien de Bombiaco.

l.1 Omnis creatura debet gratias agere suo creatori maxime nos nostro qui ad imaginem sui nos
l.2 reformavit, et dedit ut simus reparabiles tam anima quam corpore ab originali peccato caeterisque
l.3 noxiis criminibus propter pȩnitenciam scilicet faciendam et largicionem helemosinarum
l.4 pauperibus erogandam et per maxime sanctis locis ac viris justis qui Domini servitio mancipantur, et sacris
l.5 aeclesiis ac Domini semper student inherere mandatis. Idcirco ego Petrus in Dei nomine memorans
l.6 multitudinem peccatorum meorum que per me ipsum abluere nequeo, et scio quia nisi precibus beate
l.7 Marie virginis et omnium sanctorum atque Deo serviencium deleta sint, quod absit, tradent me
l.8 baratro. Quapropter trado sanctȩ Dei aecclesiȩ beate Marie civitatis Arvernice et beatorum
l.9 martirum AGRICOLE et VITALIS et clericis Deo ibi servientibus presentibus et futuris
l.10 pro remedio anime mȩȩ et patris et matris atque fratrum ceterorumque parentum meorum
l.11 ȩcclesiam Sancti JULIANI que vocatur Bombiacus cum omnibus justis debitis quȩ ad ipsam aeclesiam
l.12 seu altare debent pertinere, totum ab integrum potestati ipsius loci dominancium
l.13 trado, ut a die ista et in relicum dominacioni proprie habeant absque ullo impedimento
l.14 omnium Christianorum. Addo ȩtiam eis insuper ortum unum qui juris mei esse videtur.
l.15 Si quis autem ex meis parentibus aut aliqua persona huic descriptioni contradicere voluerit
l.16 vel contra ire presumpserit, non repetat quod quesivit, set semper incurrat ira Dei omnipotentis
l.17 ac justo judicio quo actus componat quinquaginta libras auri, insuper et possideat
l.18 dampnacionem aeterne mortis. Amen. Amen. Fiat. Fiat. Signum Petri clerici, qui fieri jussi
l.19 et firmare rogavi. Signum RENCONIS EPISCOPI. Signum Wilelmi comitis. S. Stephani filii sui.
l.20 Signum Stephani abbati. Signum Rainaldi Chauriacensis ceterorumque clericorum fratrum.
l.21 Facta carta ista die mercuris tercio kalendarum JANUARII REGNANTE
l.22 HENRICO REGE FRANCORUM.