Confirmation par Gérard, légat pontifical et évêque d'Angoulême, à l'abbesse Pétronille, de la donation du domaine des Onges faite à Fontevrault par Giraud de Cors.

l.1 Girardus, Engolismensis episcopus et sancte Romane ecclesie legatus, Petronille religiose, sanctimonialium Fontis Eubraudi abbatisse, salutem
l.2 et benedictionem. Quamdiu apostolice sedis vices gerimus, quieti et tuicioni religiosorum locorum quantum possumus providere debemus. Eapropter
l.3 tibi et sanctismonialibus domino Deo in monasterio Fontis Eubraudi servientibus elemosinam et donum Giraudi de Cornu quod
l.4 de masso de Ungiis et de ejusdem massi pertinenciis, de terra culta et inculta, de silvis suis et de pascheriis silvarum
l.5 suarum, et de silvis suis ad facturam domorum vestrarum sive ad alias necessitates, de aquis et pratis, de piscatione
l.6 aquarum suarum et de monneriis, de feodis et casamentis suis quȩ adquirere possetis, de peagiis et consuetudini-
l.7-bus terre sue ad monasterium vestrum pertinentibus, vobis et monasterio Fontis Eubraudi fecerat, et in presencia nostra iterum
l.8 fecit et concessit, et donum quod vobis et monasterio Fontis Eubraudi de masso de Ris et de ejusdem massi pertinenciis
l.9 postea fecit, laudamus, apostolice sedis auctoritate concedimus, et confirmamus, ut tam vos quam subsequaces vestre
l.10 ea in perpetuum quiete et pacifice habeatis et possideatis. Si quis vero heredum predicti Giraudi hoc donum et
l.11 elemosinam ejus impedire seu perturbare vel diminuere temptaverit, secundo terciove commonitus nisi
l.12 resipuerit et ad emendacionem venerit, a liminibus ecclesie Dei et a sacratissimo corpore domini nostri Jhesu
l.13 Christi arceatur. Et ut hec confirmatio nostra firmior et cercior habeatur, in hac karta propria nostra manu
l.14 subscripsimus et sigillo nostro muniri fecimus.
l.15 Ego Girardus Engolismensis episcopus et sanctȩ
l.16 Romanȩ ecclesiȩ legatus subscripsi.

1

PAVILLON (B.), La vie du bienheureux Robert d'Arbrissel, Paris-Saumur, 1666, p. 611, n° 187.

MARATU, Girard, évêque d'Angoulême, légat du Saint-Siège (vers 1060 - 1136), Angoulême, 1866, p. 341-342, p.j. n° 10.

BIENVENU (J.-M.), Le Premier siècle de Fontevraud, t. 2, p. 299, n° 90.