Otton I^er, roi, confirme l'immunité accordée par ses prédecesseurs à l'église de Cambrai, et accorde à l'évêque le tonlieu et la monnaie de Cambrai.

l.1 [chrisme] IN NOMINE SANCTȨ ET INDIVIDUȨ TRINITATIS, OTTO, DIVINA FAVENTE CLEMENTIA REX. CUM PETITIONIBUS SERVORUM DEI JUSTIS ET RATIONABILIBUS DIVINI CULTUS AMORE FAVEMUS, SUPERNA GRATIA NOS MUNIRI DIFFIDIMUS NEQUAQUAM.
l.2 Proinde noverit industria seu sagacitas omnium fidelium nostrorum tam presentium quam et futurorum, quia vir venerabilis Volcbertus Camaracensis urbis episcopus obtulit optutibus nostris immunitates beatȩ memoriȩ antecessoris nostri
l.3 Karoli in quibus continebatur insertum, qualiter predictus antecessor noster Karolus rex nominatam sedem que est in honore sanctȩ Dei genitricis Mariȩ semperque virginis ob amorem Dei et tranquillitatem fratrum ibidem consistentium semper sub plenissima tuitione et
l.4 immunitatis defensione habuissent. Pro firmitate tamen rei postulavit nos prefatus episcopus Volcbertus ut ejusdem regis auctoritatem amore et reverentia sancte Dei genitricis Mariȩ nostra auctoritate confirmaremus, quod ita per interventum dilecti
l.5 episcopi nostri Rihharii libenter adquievimus et ita in omnibus concessimus atque per hoc preceptum nostrȩ auctoritis roboravimus. Precipientes ergo jubemus ut nullus judex publicus vel quislibet ex judiciaria potestate in ecclesias aut loca vel agros
l.6 seu reliquas possessiones predictȩ ȩcclesiȩ quas moderno tempore in quibuslibet pagis vel territoriis infra ditionem imperii nostri juste et legaliter memorata tenet vel possidet ȩcclesia vel ea quȩ deinceps catholicis viris eidem collate fuerint ecclesiȩ ad causas
l.7 audiendas aut freda vel mansiones vel paratas faciendas aut fidejussores tollendos aut homines ipsius ecclesiȩ tam ingenuos quam servuos super terram ipsius commanentes nequaquam distringendos vel ullas retributiones aut inlicitas occasiones
l.8 requirendas nostris et futuris temporibus ingredi audeat vel ea quȩ supramemorata sunt penitus exigere presumat, sed liceat memorato presuli suisque successoribus res predictȩ ecclesiȩ cum cellulis et rebus vel hominibus sibi legaliter
l.9 subjectis sub immunitatis nostrȩ defensione quieto ordine possidere et nostro fideliter parere imperio atque pro stabilitate nostra vel totius imperii a Deo nobis collati vel conservandi unacum clero et populo sibi subjecto libere Dei misericordiam exorare, et quicquid exinde fiscus noster exigere
l.10 poterat, in luminaribus ipsius ecclesiȩ concinnanda perpetualiter concessimus ad habendum. Insuper nostra largitione concedimus prefato episcopo et successoribus ejus omne teloneum cum moneta civitatis suȩ Camaracensisis, eo videlicet tenore ut novem partes episcoporum
l.11 usibus deputentur, decima vero pars ad usus fratrum ejusdem congregationis perpetualiter in elemosina nostra proficiat. Preterea constituimus ne quis dux vel comes atque vicarius seu quislibet ex judiciaria potestate nostram vel antecessorum nostrorum regum
l.12 violare presumat, quod si fecerit causis regalibus sit obnoxius et insuper solidis DC culpabilis judicetur, videlicet ut duȩ partes in archivum ipsius ecclesiȩ admittantur et tertiam fiscus regalis noster recipiat, ut nullus tale quid audere deinceps presumat. Quod ita et nos per hanc nostram auctoritatem confirmamus,
l.13 ut sicut a beatȩ memoriȩ antecessore nostro predictȩ ecclesiȩ collatum atque firmatum est, ita et deinceps inviolabiliter conservetur. Et ut hȩc nostra auctoritas a fidelibus sanctȩ Dei ȩcclesiȩ
l.14 et nostris verius certiusque credatur, manu propria subter eam firmavimus et anulo nostro jussimus insigniri.
l.15 SIGNUM OTTONIS [monogramme] SERENISSIMI REGIS.
l.16 BRUNO CANCELLARIUS AD VICEM RUODPERTI ARCHICAPELLANI RECOGNOVI [sceau] [ruche].
l.17 Data III kalendas junii, anno autem ab incarnatione Domini DCCCmoXLI, indiccione XIII, anno V regnante Ottone serenissimo rege. Actum in Ingelenheim. In Dei nomine, feliciter. Amen.

1

SICKEL (Th.), Die Urkunden Konrad I, Heinrich I. und Otto I., Hanovre, 1879-1884 (MGH Diplomata regum et imperatorum Germaniae, 1), n° 39.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 48-49.

BOEHMER (J.F.), OTTENTHAL (E. Von), Regesten Heinrich I, p. 57, n° 97.