Isembard, évêque de Poitiers, à la prière de l'abbé de Saint-Florent Guillaume, s'accorde avec les moines au sujet des plaintes fréquentes formulées contre eux en particulier à cause de l'église du Pin, dont il leur concède la libre possession.

l.1 ISEMBERTUS Dei gratia Pictavensis episcopus.
l.2 Quoniam ad hoc subditis preesse jubemur, ut cum pace mala corrigendo et dirigendo bona, eorum in utroque utili-
l.3-tati pervigili sollertia consulere debeamus, justum est ut litem quȩ inter nos et monachos Sancti FLORENTII diu habetur
l.4 componere curemus. Namque idem monachi sȩpe a nobis in sinodis vocati quarundam quȩrimoniarum causa
l.5 culpabantur, et maxime propter ecclesiam illam quȩ Pinus dicitur, in qua pro canonicis monachos contra canonum de-
l.6-creta posuisse videbantur. Sed tandem vir venerabilis Willelmus ABBAS, quȩ male erant benefieri
l.7 cupiens, nos supplex adiit, rogans quatenus querimonias omnes preteriti temporis dimitteremus, et ecclesiam
l.8 illam eos habere statueremus. Cujus nos petitionibus annuentes, cuncta quȩ expostulaverat fecimus, et in
l.9 his omnibus nostrum eis auxilium promisimus. De illis autem quȩ in nostra diocesi sunt deinceps adquisituri ad nos referendum
l.10 decrevimus, et quid inde sit statuendum, consilio deliberabimus. Factum est autem hoc a nobis apud cellam illorum
l.11 quȩ Mons Ecclesiasticus dicitur, ubi in capitulo accepta cum clericis nostris societate benefacti eorum,
l.12 nostri etiam participes eos fieri decrevimus. Ut vero firmius hoc et durabilius permaneret,
l.13 jussimus inde testamentum fieri, quod factum et coram nobis delatum ipsa propria manu firma-
l.14-vimus, et ut a clericis nostris qui aderant firmaretur obtinuimus, Maingoto archidiacono,
l.15 Gauzfrido Bernardo, AIMERICO Plancardo, FULCONE Emmalrico. De monachis autem,
l.16 cum domno WILLELMO ABBATE, BERNERIUS PRIOR, Rotbertus monachus, Gausbertus, Effredus, MAURICIUS,
l.17 Deodatus. Affuerunt, de laicis, Willelmus de Passavant, Rotbertus Wittonus, Alexander, Girardus
l.18 VITRARIUS, Johelinus, Stephanus filius Alberti, Hubertus Brunellus, SATURNINUS, Widdo.
l.19 [croix] Signum Ysenberti episcopi Pictavensis. [croix] S. Renaudi abbatis cenobii Sancti Cypriani. Ipse scripsit.