Aimeric, fils de Longon de Loudun, conteste puis confirme l'abandon fait à Saint-Florent par Isembard d'Origny, chevalier, des biens qu'il possédait dans la villa d'Origny, et ratifié antérieurement par son cousin Longon.

l.1 Miles quidam Isembardus nomine de Origniaco hereditatem desiderans habere in cȩlo, pro redemptione pecca-
l.2-torum suorum et pro anima patris sui matrisque suȩ dedit Deo sanctoque FLORENTIO necnon monachis, Christo in ejus monasterio
l.3 servientibus post obitum suum quicquid in villa de Origniaco habebat, annuente domno Longone de Lausduno
l.4 qui censum terrȩ, undecunque exibat, tenebat. Et quia ipse Longo cognatus ejus erat et de progenie sua nullum
l.5 propinquius parentem habebat, filium illius nomine Aimericum de suis rebus heredem esse constituit exceptis his
l.6 quȩ sancto Florentio dimisit. Aimericus autem donationem quam Isembardus fecerat monachis annuere noluit,
l.7 et sȩpe a patre admonitus, auctorizare recusavit. Postea vero tactus amore divino et maxime pro eo
l.8 quod Isembardus eum heredem de omnibus suis fecerat, quod ille sancto Florentio dederat et pater suus annuerat,
l.9 ipse etiam libenti animo annuit ac beneficium monasterii a domno WILLELMO abbate et ceteris fratribus
l.10 in capitulo recepit, censumque terrȩ et vinearum defuncto patre Deo sanctoque Florentio, pro salute animȩ suȩ
l.11 donavit. Si vero monachi necessitate cogente terram vendere voluissent et ille vel heres ejus
l.12 emere voluisset preciumque quod alii dare vellent donasset, recuperaret. Sin alias, monachi terram
l.13 et totum censum secure omnino absque ulla calumnia possiderent. Quando supradictus Isembardus
l.14 ex hac vita exierit, monachi eum in illorum cimiterio sepelient si tamen ipse se ad monasterium adduci
l.15 fecerit.