Angers, AD Maine-et-Loire, H 3494 n° 2

<< < / > >>

Numéro3436

Fiabilité de l'actenon suspecté

Genrecharte

Date1086(fiabilité :édition)

Lieunon identifié

DiocèseAngers

RégionPays-de-la-Loire

Supportparchemin

Chirographienon

Sceau non scellé

Etat de la traditionoriginal

Hauteur à gauche551   mm

Hauteur à droite552   mm

Largeur en haut391   mm

Largeur en bas390   mm

AuteurCadalo, vicomte d'AULNAY

BénéficiaireAbbaye  de  SAINT-FLORENT  de  SAUMUR

Regeste

Donation par Cadalo, vicomte d'Aunay, aux moines de Saint-Florent pour y établir un prieuré, de l'église de Saint-Just, sise dans le château d'Aunay.

Fac-similé

Texte

l.1 Christus Jhesus dominus ac redemptor qui ut apostolus ait in hunc mundum venit peccatores salvos facere, qui neminem vult perire, talia pec-
l.2-catorum telis perfossis medicamenta proposuit, ut omni excusatione careat, qui suorum vulnerum curam gerere neglexerit. Ad perfectionem namque alacriter
l.3 tendentibus fortia precepta edidit, dicens : Si quis vult post me venire, abneget semetipsum et tollat crucem suam quotidie et sequatur me. Infirmis autem
l.4 et arduum virtutis iter incedere non valentibus elemosynȩ remedium adhibuit, dicens : Qui recipit prophetam in nomine prophetae mercedem prophetae
l.5 accipiet, et qui recipit justum in nomine justi, mercedem justi accipiet. Et alibi : Date elemosynam et ecce omnia munda sunt vobis. Osten-
l.6-dit misericors Dominus in his suis sanctis verbis non solum sanctos et perfectos ad ejus cȩleste regnum esse perventuros, sed etiam peccatores si malis suis finem
l.7 imposuerint, et servos ejus in corporalibus et temporalibus rebus adjuvare et eorum in sancta religione cooperatores esse studuerint, meritis eorum
l.8 et intercessionibus posse salvari. Sic enim ipse dominus significat, cum per prophetam promittit inter cȩteras arbores ulmum, infructuosam videlicet ar-
l.9-borem in aecclesia sua se positurum, ut scilicet qui per se ipsos spirituales ferre fructus non valent vites cum uvis, id est pios Dei servos cum justiciȩ
l.10 fructibus sustentantes et adjuvantes non ut infructuosȩ arbores excidi et in ignem mitti, sed cum fructuosis benedici mereantur.
l.11 IGITUR ego KADALO vicecomes de castro quod dicitur Oenacus, et uxor mea et milites nostri hanc benedictionem adipisci cupientes, hoc
l.12 remedio uti decrevimus. Noverint ergo presentis et futuri temporis sacrȩ fidei cultores, quos exoramus donationis nostrae fore fautores
l.13 et tutores, quoniam donavimus pro nostra ad Deum conversione et pro omni adquirendo comodo animarum nostrarum ac corporum, sed et pro patris
l.14 ac matris, avique mei, atque omnis nostrae projeniei aeterna salute aecclesiam beati martiris Justi quae in praedicto castro sita est cum apendi-
l.15-tiis suis, coenobitis Sancti Florentii Salmurensis ad monasterii cellam extruendam, atque omni deincȩps tempore possidendam. Omnia
l.16 autem quae pater meus, sive ego, seu alii, ipsi aeclesiae contulerant, necnon etiam quȩ homines mei de fevo vel casamento meo, cum meo tamen consilio ac voluntate, dona-
l.17-turi vel vendituri sunt, jamdictis monachis libera et absoluta ab omnibus consuetudinibus et angariis quas ibi tenere videbamur,
l.18 concessimus possidenda. Ita tamen ut ea quae ipsi jam in territorio oppidi istius adquisierant, ipsi aecclesiae condonarent, ejus habi-
l.19-tatoribus profutura. Ad abbatis autem ipsorum providentiam pertinebit de monachis et de eorum victu ac vestitu, pro arbitrio ordinare
l.20 atque constituere. Quod si possessio ejusdem loci tanta fuerit, ut aliquid eorum ad suum monasterium deferre possit, fatiet prout libuerit. Dicen-
l.21-dum etiam quia de manu ac potestate clericorum quos in ipsa aecclesia pater meus collocaverat, ideo eam tulimus monachisque commisimus, quia illi
l.22 sȩpe ammoniti nunquam mores suos corrigere, aut canonicae vivere voluerunt. Quos tamen postea reclamantes et quȩrelas excitan-
l.23-tes, monachi muneribus et caritate sua ita placaverunt, ut etiam ipsi auctores convenientiae istius quantum ad eos pertinebat existerent,
l.24 et quicquid in jamdicta ecclesia sive juste sive injuste possidere videbantur dimitterent. Ut autem statuta firmius tenerentur, uni ex hominibus meis Aimerico Raimundi, videntibus monachis et cunctis qui aderant, fidem meam promisi nichil de
l.25 constitutis me mutaturum, nihil eorum quae donaveram resumpturum, quatenus servi dei ab omni tumultu quieti, liberius Deo, et sancto martiri pro suis
l.26 ac nostris peccatis die ac nocte valeant supplicare. Obtestamur autem et obsecramus filios nostros et omnes qui in hoc terreno principatu
l.27 nobis successuri sunt ut hanc elemosynam nostram firmam ac stabilem permanere fatiant, atque ab omni calumpniatore et violento defendant,
l.28 ut et ipsi benefitii participes esse mereantur. Si quis autem aliquid horum violenter auferre, aut pervadere perditus non timu-
l.29-erit, ab episcopis excomunicetur, et a principibus vinculis et carceris scalore donec resipiscat affligatur, et quod male rapuerat secundum chanonum
l.30 decreta aecclesiae restituatur, ne cum Juda dominicȩ pecuniae fraudatore, in tremendo Dei juditio puniatur. Si autem in hac perversitate obs-
l.31-tinatus mortuus fuerit, non ut homo sed ut bestia hominis careat sepultura, ut cȩteri timeant et res ecclesiasticas temerare non prȩsumant.
l.32 Itaque hanc donationem scribi fecimus, ac manibus nostris ut mos est firmavimus, et idem fieri ab episcopo Pictavensi Isenberto, cujus consilio et auctoritate ges-
l.33-tum est, a duce Aquitanorum Guidone, et a militibus qui intererant exoravimus. [colonne1] S. Guidonis ducis Aquitanorum. S. Hugonis de Liziniaco. S. Rorigonis de Coiaco. S. Giraldi de Rancone. S. Isemberti de Castro Aliȩnorum. [colonne2] S. Isemberti [croix] Pictavensium episcopi. S. Hunberti decani. S. Aimerici de Planchis. S. Gausfredi Bernardi. S. Isemberti abbatis. S. Petri de Vitveona. S. Johannis clerici. S. Gauterii cordoanarii. S. Petri de Sancto Sabino. [colonne3] S. Kadalonis [croix] vicecomitis. S. Rannulfi Rapiolae, et Maengonis fratris ipsius. S. Gosfredi Tronelli, et Aimonis fratris ipsius. S. Willemi Arnaudi. S. Tetbaudi Buccae. S. Arberti Ilduini. S. Willelmi Litgerii, et Gosfredi fratris ejus. S. Girberti de Mello. S. Iterii Caput Lupi. S. Willelmi Bernardi. [colonne4] S. Willelmi abbatis. S. Natalis monachi. S. Deodati monachi. S. Ademari Crassi monachi. S. Willelmi Gagatis monachi. S. Simeonis monachi. S. David monachi.

Bibliographie

MARCHEGAY (Paul), Chartes poitevines de l'abbaye de Saint-Florent près Saumur, Les Roches-Baritaud, 1873, p. 124-127, n° 85.

Responsable

M. Courtois

Comment citer cette notice

Acte n°3436 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3436»[En ligne] http://www.cn-telma.fr/originaux/charte3436/. Date de mise à jour : 29/03/12.