Guillaume, abbé de Saint-Florent, s'efforce de rétablir l'abbaye dans son domaine aliéné par l'abbé Giraud. Il récupère l'église de Dénezé et recouvre une dîme appartenant à l'église mais détenue par Gontier de la Grésille, qui y renonce avant de partir à Jérusalem.

l.1 Veridica patrum sentencia constat, quod qui dispergit substantiam monasterii, ledetur. Unde econtrario colligitur, quod qui dispersam recolligit, a lesione tutus erit, si tamen
l.2 non ad vituperationem dispersoris hoc faciat, presertim quem suȩ culpȩ non nescit penituisse, sed stu[dio] p[ie]tatis. Cui studio ego Willelmus abbas Sancti Florentii Salmuren-
l.3-sis sciens me invigilare debere, quamvis laudem et admirer quod abbas Giraldus cui quarto loco in regimine successi, tantam satisfactionem de dispersione
l.4 rerum Sancti Florentii egit, ut Jerosolimitan[um] iter arripuerit, in quo etiam religiosa impacientia [o]ccidere se fecit, ad laude tamen et mercedem mihi futu-
l.5-rum spero, si Deo juvante monasterio nostro restaurem ea quȩ ille instigante inimico inde profligavit. Et jam quidem collaborantibus fratribus nostris ecclesiam
l.6 de Danezii, hominibus de profligatione illa eam adeptis, tam auctoritate episcopali quam largitione benefitiorum eripui, at res ad eam pertinen-
l.7-tes paulatim colligo, prout Deus oportunitatem aperit. Causa quippe Jerosolimitani itineris a Deo christianis aperti reddidit nobis nuper Gunterius de Gresilla
l.8 quandam decimam ad predictam ecclesiam pertinentem, volens scilicet sacram viam cum pace nostra qui ei decimam illam calumniabamur assumere. Nec tamen gratis reddidit eam.
l.9 Nam trecentos solidos a nobis inde accepit. Ceterum hoc laudabiliter fecit, quod eam fideliter reddere sategit. Nam in capitulum nostrum venit, secumque adduxit
l.10 Vitalem fratrem suum, atque Aufredum patrastrum suum, et injusticiam suam confitens, cum assensu illorum reddidit decimam illam eis quibus conpetebat, et quorum
l.11 juris erat, beato scilicet Florentio et monachis ejus. Interfuerunt autem huic negocio laici viri quamplures ob testimonium adducti, videlicet
l.12 Radulfus Joscelini, Odo de Sauzio, Constantius de Salgroi, Arnulfus de Campis, Rainaldus Fulcherii, Rainaldus de Bello Videre, Goffredus de Gena,
l.13 Bodinus prepositus, Herbertus Passerellus, Rainaldus foresterius, Ansgerius Popardus, Garnerius piscator, Brunet, Garinus filius Godelini,
l.14 Gunfredus. Nec defuit huic placito assensus sororum predicti Gunterii. Suscepit autem assensum unius illarum frater noster Mauricius, sub testimonio Petri filii Orrici, Rainaldi
l.15 Arturi, Aimerici Garini, Bauduini Almeri, Frotgerii Gauguet. Ast alterius assensum suscepit suscepit frater Gilo sub testimonio Tetbaudi presbiteri de Ambilloo, atque
l.16 Ansgerii filii Hamonis.