Robert de Champtoceaux, mourant, donne aux moines de Saint-Florent une borderie tenue de lui par son cousin Renaud, prêtre. Son neveu Robert approuve la donation puis se rétracte. Les moines le désintéressent par une indemnité de cent sous.

l.1 Generationi posterȩ notum fieri cupimus, quid falsis calumniato-
l.2-ribus respondere debeant, qui nesciunt ut ait apostolus neque quȩ
l.3 locuntur, neque de quibus affirmant, sed res quas fideles viri pro
l.4 salute animarum suarum contulerunt Christo famulantibus, auferre moli-
l.5-untur pravis allegationibus. Cumque ipsi ab aeternitatis hereditate
l.6 sint penitus alieni, elemosinas predecessorum suorum in jus proprium
l.7 injuste redigere conantur, quatinus dum temporalibus et terrenis rebus
l.8 immoderatius inhiant, a terra viventium se omnino in futurum exortes
l.9 ostendant. Fitque misera satis commutatio, ut cum adquirere cupi-
l.10-unt terrena, amittant cȩlestia, postmodum habituri nec terrena
l.11 nec cȩlestia, sed quia pauperes Christi oppresserunt, perpetua merito luituri
l.12 tormenta. Sed ne longa oratione plus justo moremur, noverint
l.13 posteri nostri, quod Rotbertus de Castello Celso dapifer Rotgerii, dedit
l.14 monachis Sancti Florentii unam bordariam terrȩ, cum decumberet apud
l.15 Capellam infirmitate qua mortuus est, illam videlicet bordariam, quam
l.16 Rainaldus presbiter cognatus ejus de illo tenebat, ita ut si Rainaldus vellet
l.17 fieri monacus, predicta bordaria cum consuetudine ex illa exeunte, in jus
l.18 monacorum absque ulla retractatione veniret. Quod concessit Rotbertus nepos
l.19 ejus, vidente Goffredo monacho Capelle tunc preposito, qui etiam donum recepit, et Lau-
l.20-rentio Circaferno famulo ejus. Postea vero cum predictus Rotbertus denegaret hoc
l.21 a se fuisse concessum, constituerunt de hac re bellum, Rotbertus videlicet ac
l.22 monachi in manu Normanni de Monte Rebello. Cumque die statuto mo-
l.23-nachi adduxissent campionem suum etiam usque in presentia sanctarum reliquiarum,
l.24 Gofredus videlicet, Acardus, necnon Rodulfus de Chimiliaco, et Laurentius
l.25 Circafernus testis hujus rei, tandem perquisierunt super hoc concordiam Normannus
l.26 predictus et Goffredus de Vendosma, ut darent monachi Rotberto centum solidos,
l.27 IIIIor libras ipsi, et XXti solidos uxori ejus, cui in dotem supradictam terram dederat.
l.28 Et hoc modo calumniam reliquerunt, ac omnia jamdicta concesserunt, videlicet vineas, molen-
l.29-dinum cum toto beth, qui per terram Rotberti ibat, et boscum, et cetera quȩ bordariȩ perti-
l.30-nebant. Hoc viderunt, Normannus de Monte Rebello, Gofredus de Vendosma, Frotgerius
l.31 de Grosfail, Goffridus de Sancto Christoforo, Ivo Asinus, Valentio, Rainaldus de Geles,
l.32 Masculfus, frater uxoris istius Rotberti, et insuper Otgerius filius Huberti, Bodinus de Sallio,
l.33 Rainerius Dives, qui cum monachis ierant. Preterea in isto placito conventum fuit,
l.34 ut ambo venirent in capitulo, Rotbertus scilicet et uxor ejus, ad concedendum
l.35 et relinquendum quicquid in supradicta bordaria calumniabantur. Venerunt igitur
l.36 ut constitutum fuerat, acceperunt ecclesiȩ beneficium, et concessionem ac relictio-
l.37-nem predictarum rerum monachis firmaverunt, donum etiam in manu abbatis, ac postea
l.38 super altare posuerunt. Hoc viderunt et audierunt de monachis, Vivianus, Goffredus,
l.39 Huncbaldus, Acardus, Rodulfus, Drogo, Girardus, Rotbertus, Goffridus, Rodulfus, Hugo,
l.40 Archembaldus, Gregorius, Willelmus, et omne capitulum. De laicis vero, Benedictus, et Samuel,
l.41 famuli monacorum, Arnaldus Milsoldus, Rainerius Dives, Ursellus filius Aimerici prepo-
l.42-siti, Paganus filius Vaslini, Masculfus, Ingelbertus pistor, Andreas cocus, Ansculfus pistor,
l.43 Rainaldus de Born, Laidet, famulus Acardi monachi, et quamplures alii.